Joshua 7:13 - Yn Vible Casherick 1775 1819

¹³ Seose oo, jean y pobble y chasherickey, as abbyr roo, Jean-jee shiu-hene y chasherickey cour y laa mairagh: son myr shoh ta’n Chiarn Jee dy Israel gra, Ta red cursit ayns dty vean, O Israel: cha vod oo shassoo roish dty noidyn, derrey ta shiu goaill yn red cursit ersooyl veih ny mast’ eu.

Joshua 7:13 Iomraidhean Croise

Joshua 3:5

As dooyrt Joshua rish y pobble, Jean-jee shiu hene y chasherickey: son mairagh nee yn Chiarn mirrilyn ny-vud eu.

Noo Mian 7:5

Er-crauee-oalsey, tilg hoshiaght yn darrag ass dty hooill hene; as eisht nee oo dy baghtal fakin dy ghoaill yn brinneen ass sooill dty vraarey.

Joshua 7:11

Ta Israel er n’yannoo peccah, as t’ad er vrishey my chonaant ren mee y harey daue: son t’ad er ghoaill jeh’n eer red cursit, as t’ad myrgeddin er gheid, as neesht er cheiltyn, as eer er choyrt yn ghriu mastey yn chooid oc hene.

Joshua 6:18

As shiuish, er dy chooilley haase freill-jee shiu hene veih’n red custey, er-aggle dy der shiu lhieu mollaght erriu hene, tra ta shiu goaill jeh’n red custey, as cragh er camp Israel, as seaghyn lesh.

2 Recortyssyn 28:10

As nish ta shiu kiarail dy reayll cloan Yudah as Yerusalem fo bondiaght, chammah deiney as mraane: agh nagh vel ny mast’ eu, eer ny mast’ eu hene, peccaghyn trome noi’n Chiarn nyn Yee?

Genesis 34:27

As haink mec Yacob er ny merriu, as spooill ad yn ard-valley, er-yn-oyr dy row ad er hayrn scammylt er nyn shuyr.

Deuteronomy 13:6

My nee dty vraar mac dty vayrey, ny dty vac, ny dty inneen, ny ben dty oghrish, ny dty charrey, ta myr dty annym hene, miolaghey oo dy follit, gra, Lhig dooin goll, as shirveish jeeghyn joarree (nagh row enney edyr ayd hene, ny ec dty ayraghyn orroo)