Joshua 7:12 - Yn Vible Casherick 1775 1819

¹² Shen va’n oyr nagh voddagh cloan Israel shassoo roish nyn noidyn, agh dy dug ad cooyl da nyn noidyn, er-y-fa dy row ad cursit: chamoo veem’s ny-sodjey mêriu mannagh stroie shiu yn er custey shen veih ny-vud eu.

Joshua 7:12 Iomraidhean Croise

Isaiah 59:2

Agh ta nyn mee-chairys er scarrey eddyr shiuish as y Jee eu, as ta nyn beccaghyn er n’ollaghey e eddin veueish, nagh der eh clashtyn.

Briwnyn 2:14

As va jymmoose yn Chiarn er ny vrasnaghey noi Israel, as ren eh ad y livrey gys laueyn ny spooilleyderyn ren ad y roostey, as chreck eh ad gys laueyn nyn noidyn ooilley mygeayrt, myr shen nagh voddagh ad veg sodjey shassoo roish nyn noidyn.

Earrooyn 14:45

Eisht haink neose ny Amalekiteyn, as ny Canaaniteyn, cummaltee yn clieau shen, as ren ad y woalley ad, as ad nyn imman gys Hormah.

Joshua 6:18

As shiuish, er dy chooilley haase freill-jee shiu hene veih’n red custey, er-aggle dy der shiu lhieu mollaght erriu hene, tra ta shiu goaill jeh’n red custey, as cragh er camp Israel, as seaghyn lesh.

Deuteronomy 7:26

Chamoo ver oo lhiat red erbee mollaghtagh stiagh ayns dty hie, er-aggle dy bee oo hene ny red mollaghtagh casley rish: agh ver oo veih dty chree feoh da, as dy dwoaiagh scarrey rish, son red custey eh.

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Hosea 9:12

Ga dy vel ad troggal nyn gloan, ny-yeih neem’s ad y roostey, nagh bee dooinney jeu faagit: dy jarroo smerg dauesyn myrgeddin, tra nee’m ad y hreigeil.

Jeremiah 23:33

As tra nee’n pobble shoh, ny yn phadeyr, ny saggyrt, fênaght jeed, gra, Cre ta errey yn Chiarn? eisht jir uss roo, Cre’n errey? Neem’s eer shiu y hreigeil, ta’n Chiarn dy ghra.

Jeremiah 6:8

Gow-jee ynsaghey, O Yerusalem, er-aggle dy der m’annym cooyl rhyt; nagh jean-ym oo ny hraartys, cheer gyn cummaltee.

Raaghyn Creeney 28:1

Ta ny kyndee chea, tra nagh vel fer erbee er nyn eiyrt’s: agh ta’n ynrick creeoil myr lion.

Briwnyn 2:4

As haink eh gy-kione, tra va ainle y Chiarn er loayrt ny goan shoh rish ooilley cloan Israel, dy hrog y pobble seose nyn goraa, as ren ad dobberan.

Earrooyn 14:39

As dinsh Moses ooilley ny goan shoh da ooilley cloan Israel: as ren y pobble dobberan dy trimshagh.

Briwnyn 16:20

As dooyrt ee, Ta ny Philistinee ort, Samson. As ghooisht eh ass e chadley, as dooyrt eh, Hem’s magh myr boallin, dy chraa mee-hene. As cha row fys echey dy row yn Chiarn er hreigeil eh.

1 Samuel 14:38

As dooyrt Saul, Tayrn-jee er-gerrey ooilley shiuish ard-gheiney’n pobble: as lhig dooin briaght as fakin; quoi by-chyndagh rish y peccah shoh jiu:

Psalmyn 44:10

Agh nish t’ou foddey jeh, as coyrt shin gys nearey: as cha vel oo goll magh marish nyn sheshaghtyn-caggee.

Psalmyn 60:10

Nagh vel uss er hilgey magh shin, O Yee: Nagh jean uss, O Yee, goll magh marish ny sheshaghtyn-caggee ain?

Earrooyn 14:42

Ny gow-jee seose, son cha vel y Chiarn ny mast’ eu; nagh bee shiu er nyn stroie kiongoyrt rish nyn noidyn.

Earrooyn 14:43

Son ta ny Amalekiteyn, as ny Canaaniteyn ayns shen reue, as nee shiu tuittym liorish y chliwe; er-yn-oyr dy vel shiu er nyn jyndaa ersooyl veih’n Chiarn; shen-y-fa cha bee’n Chiarn mêriu.