Joshua 7:11 - Yn Vible Casherick 1775 1819

¹¹ Ta Israel er n’yannoo peccah, as t’ad er vrishey my chonaant ren mee y harey daue: son t’ad er ghoaill jeh’n eer red cursit, as t’ad myrgeddin er gheid, as neesht er cheiltyn, as eer er choyrt yn ghriu mastey yn chooid oc hene.

Joshua 7:11 Iomraidhean Croise

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Jannoo 5:9

Eisht dooyrt Peddyr r’ee, Kys te dy dug shiu nyn goyrle dy cheilley er-chee dy yannoo molteyrys er Spyrryd y Chiarn? cur-my-ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

Noo Mian 22:21

Dooyrt adsyn rish, Cesar. Eisht dooyrt eh roo, Eeck-jee er-y-fa shen da Cesar shen ny ta lesh Cesar: as da Jee, shen ny ta lesh Jee.

Zechariah 5:4

Ver-ym lhiam magh eh, ta Chiarn ny flaunyssee dy ghra, as hed eh stiagh ayns thie yn vaarliagh, as ayns y thie echeysyn ta loo dy foalsey liorish my ennym’s: as nee eh tannaghtyn ayns mean e hie, as ver eh naardey eh, marish y fuygh echey, as ny claghyn echey.

Habakkuk 2:6

Nagh jean ad shoh ooilley goaill seose coraa-dorraghey n’oï, as raa floutagh my-e-chione, as gra, Smerg dasyn ta bishaghey shen nagh vel lesh hene! caïd? as dasyn ta laadey eh-hene lesh y chray trome.

Hosea 6:7

Agh t’adsyn myr deiney t’er vrishey yn conaant: ayns shen t’ad er ghellal dy molteyragh rhym.

Jeremiah 31:32

Cha nee rere y chonaant ren mee rish nyn ayraghyn, ’sy laa ghow mee ad er y laue, dy chur lhiam ad ass cheer Egypt; (my chonaant cheddin vrish ad, ga dy row mee myr dooinney-poost dauesyn, ta’n Chiarn dy ghra;)

Isaiah 24:5

Ta’n cheer myrgeddin fo loght folley liorish ny cummaltee echey, er-yn-oyr dy vel ad er chassey ny leighyn, er chaghlaa ny oardaghyn, as er vrishey yn conaant dy bragh farraghtyn.

2 Reeaghyn 18:12

Er-yn-oyr nagh dug ad biallys da coraa yn Chiarn y Jee oc, agh vrish ad e chonaant, as ooilley ny va Moses sharvaant y Chiarn er harey, cha n’eaishtagh ad roo, ny jannoo ad.

Briwnyn 2:20

As va corree yn Chiarn cheh noi Israel; as dooyrt eh, Er-yn-oyr dy vel y pobble shoh er vrishey my chonaant ren mee rish nyn ayraghyn, as nagh vel ad er choyrt geill da my choraa’s;

Joshua 23:16

Tra vees shiu er vrishey conaant y Chiarn y Jee eu, doardee eh diu, as er n’gholl geiyrt er jeeghyn elley dy hirveish ad, as er choyrt ooashley daue; eisht bee corree’n Chiarn er ny vrasnaghey nyn ’oï, as bee shiu dy leah er nyn eebyrt veih’n cheer mie shen t’eh er choyrt diu.

Joshua 7:1

Agh va cloan Israel foiljagh ayns goaill jeh’n stoo custey: son ren Achan, mac Carmi, mac Zabdi, mac Zerah, jeh tribe Yudah, goaill jeh’n red custey: as va jymmoose yn Chiarn er ny vrasnaghey noi cloan Israel.

Deuteronomy 17:2

My vees ry-gheddyn ny mast’ eu, cheu-sthie jeh veg jeh dty yiattyn, ta’n Chiarn dty Yee dy choyrt dhyt, dooinney ny ben ta er n’obbraghey olk ayns shilley’n Chiarn dty Yee ayns brishey e chonaant,

Leviticus 5:15

My ta persoon erbee kyndagh jeh loght, as er n’yannoo peccah trooid mee-hushtey, ayns cooid casherick y Chiarn; eisht ver eh lesh son y loght echey gys y Chiarn, rea fegooish lheamys ass ny shioltaneyn, lurg y phrice ver oo er, ayns shekelyn argid, cordail rish y shekel-casherick, son oural-loght.

Joshua 7:10

As dooyrt y Chiarn rish Joshua, Irree seose; cre’n-fa t’ou myr shoh lhie as dty veeal foyd?

1 Samuel 14:38

As dooyrt Saul, Tayrn-jee er-gerrey ooilley shiuish ard-gheiney’n pobble: as lhig dooin briaght as fakin; quoi by-chyndagh rish y peccah shoh jiu:

2 Reeaghyn 5:24

As tra haink ad gys y toor, ghow eh ad veih nyn laue, as dollee eh ad ’sy thie: as lhig eh yn raad da ny deiney, as jimmee ad rhymboo.