Joshua 7:1 - Yn Vible Casherick 1775 1819

¹ Agh va cloan Israel foiljagh ayns goaill jeh’n stoo custey: son ren Achan, mac Carmi, mac Zabdi, mac Zerah, jeh tribe Yudah, goaill jeh’n red custey: as va jymmoose yn Chiarn er ny vrasnaghey noi cloan Israel.

Joshua 7:1 Iomraidhean Croise

Joshua 22:20

Nagh row Achan mac Zerah kyndagh ’sy chooid mollaghtagh, as nagh huitt jymmoose er slane sheshaght Israel? cha nee eshyn ny-lomarcan v’er ny cherraghey son e vee-chairys.

Ecclesiastes 9:18

Ta creenaght ny share na greïnyn-caggee: agh ta un drogh-yantagh cur naardey saase mie ny ghaa.

1 Recortyssyn 21:7

As kyndagh rish yn obbyr shoh va Jee er ny vrasnaghey; shen-y-fa woaill eh Israel.

Joshua 22:18

Agh dy negin diu chyndaa ersooyl yn laa jiu veih geiyrt da’n Chiarn? as shoh myr vees eh, fakin dy vel shiuish er n’irree magh jiu noi’n Chiarn, dy bee e yymmoose er ny vrasnaghey mairagh noi slane pobble Israel.

Joshua 22:16

Myr shoh ta slane pobble y Chiarn gra, Cre’n drogh obbyr shoh ta shiu er n’yannoo noi’n Jee dy Israel, dy hyndaa ersooyl veih shirveish y Chiarn ec y traa shoh, ayns dy vel shiu er hroggal altar diu hene, myr shoh nish girree magh noi’n Chiarn?

Jonah 1:7

As dooyrt ad, dagh fer rish e heshey, Tar-jee, as lhig dooin lottyn y hayrn, dy vod fys y ve ain, quoi by-chyndagh ta’n olk shoh er jeet orrin. Myr shen hilg ad lottyn, as huitt y lot er Jonah.

Ezra 9:6

As dooyrt mee, O my Yee, ta mee goaill nearey, as jiargaghey dy hroggal seose my eddin hood’s my Yee: son ta nyn beccaghyn er vishaghey harrish nyn ghing, as nyn loght er roshtyn gys ny niaughyn.

2 Recortyssyn 24:18

As hreig ad thie’n Chiarn Jee nyn ayraghyn, as hug ad ooashley da jallooyn ny keylley: as haink jymmoose er Judah as Jerusalem son shoh nyn beccah.

2 Samuel 24:1

As reesht va corree’n Chiarn er ny vrasnaghey noi Israel, as son va [Satan] er chleayney David nyn ’oï, gra, Immee, as gow earroo Israel as Yudah.

Daniel 9:7

O Hiarn, hood’s ta bentyn ynrickys, agh hooinyn nearey er nyn eddin, myr ec y laa t’ayn jiu; gys deiney Yudah, as da cummaltee Yerusalem, as da ooilley Israel foddey as gerrit, trooid ooilley ny cheeraghyn, raad t’ou uss er n’eebyrt magh ad, kyndagh rish nyn loghtyn t’ad er n’yannoo dt’oï.

Leviticus 10:6

As dooyrt Moses rish Aaron, as rish Eleazar as rish Ithamar e vec. Ny jean-jee nyn ghing y roostey, chamoo raip-jee nyn goamraghyn, er-aggle dy vow shiu baase, as dy jig corree er ooilley’n pobble: agh lhig da ooilley nyn mraaraghyn, slane thie Israel, dobberan kyndagh rish y lostey shen ta’n Chiarn er n’oaddey.

2 Reeaghyn 5:24

As tra haink ad gys y toor, ghow eh ad veih nyn laue, as dollee eh ad ’sy thie: as lhig eh yn raad da ny deiney, as jimmee ad rhymboo.

Genesis 34:27

As haink mec Yacob er ny merriu, as spooill ad yn ard-valley, er-yn-oyr dy row ad er hayrn scammylt er nyn shuyr.

Lioar Yob 35:8

Foddee dt’olkys jannoo aggair da dooinney myr t’ou hene, as foddee dty chairys ve vondeishagh da mac dooinney.