Joshua 6:3 - Yn Vible Casherick 1775 1819

³ As nee shiu combaasal yn ard-valley, ooilley ny deiney caggee ta shiu ayn, as goll un cheayrt mygeayrt y valley: myr shoh nee oo jannoo shey laa ry-cheilley.

Joshua 6:3 Iomraidhean Croise

2 Corinthianee 4:7

Agh ta’n verchys shoh ainyn ayns siyn craie, dy vod ard-ooashley yn phooar ve veih Jee, as cha nee voïnyn.

Earrooyn 14:9

Agh, ny irree-jee magh noi’n Chiarn, chamoo gow-jee aggle roish pobble y cheer; son cha bee ad agh myr greme d’arran dooin; ta’n kemmyrk oc er n’immeeaght voue, as ta’n Chiarn mârin: ny gow-jee aggle roue.

Joshua 6:7

As dooyrt eh rish y pobble, Gow-jee er nyn doshiaght, as jean-jee yn ard-valley y chombaasal, as lhig dasyn ta eïllit goll er e hoshiaght roish arg y Chiarn.

Joshua 6:14

As er y nah laa, hie ad mygeayrt yn ard-valley un cheayrt, as hyndaa ad gys y champ: shoh myr ren ad shey laa.

Joshua 6:2

As dooyrt y Chiarn rish Joshua, Jeeagh, ta mee er livrey Jericho gys dty laue, as e ree, as ny deiney caggee niartal t’ayn.

Joshua 6:4

As nee shiaght saggyrtyn cur lhieu roish yn arg shiaght cayrnyn dy eairkyn rea: as er y chiaghtoo laa nee shiu yn ard-valley y chombaasal shiaght keayrtyn, as nee ny saggyrtyn ny cayrnyn y heidey.

Joshua 6:11

Myr shen ren arg y Chiarn combaasal yn ard-valley, goll mygeayrt-y-mysh un cheayrt: as haink ad gys y champ, as ghow ad aaght ’sy champ.

2 Recortyssyn 4:3

As fo va caslys dew, va ooilley mygeayrt-y-mysh: ayns combaase va’n keayn jeih cubityn veih ooir gy oirr: hie daa roa dy ghew er lheïe, tra hie eh er lheïe.