Joshua 6:24 - Yn Vible Casherick 1775 1819

²⁴ As ren ad yn ard-valley y lostey lesh aile, as ooilley ny v’ayn: ynrycan yn argid, as yn airh, as ny siyn prash as yiarn, hug ad lhieu gys stoyr thie’n Chiarn.

Joshua 6:24 Iomraidhean Croise

Joshua 8:28

As ren Joshua Ai y lostey, as ve ny charnane son dy bragh, dy jarroo ny hraartys gys y laa jiu.

Ashlish 17:16

As ver ny jeih eairkyn honnick oo er y veisht, dwoaie da’n streebagh, as ver ad mow ee, as rooishtee ad ee, as nee ad gee yn eill eck, as loshtee ad ee lesh aile.

2 Reeaghyn 25:9

As losht eh thie yn Chiarn, as thie yn ree, as ooilley thieyn Yerusalem, as losht eh thieyn ny ard-gheiney lesh aile.

Ashlish 18:8

Shen-y-fa tuittee ny kerraghyn eck [urree] ayns un laa, baase, as dobberan, as gortey; as bee ee dy bollagh losht lesh aile: son niartal ta’n Chiarn Jee ta briwnys ee.

Deuteronomy 13:16

As nee oo chaglym ooilley yn spooilley echey ayns mean e traid, as loshtee oo yn ard-valley lesh aile, as ooilley’n spooilley echey dy slane bollagh, gys ooashley yn Chiarn dty Yee: as bee eh ny holtan son dy bragh, cha bee eh troggit arragh.

Joshua 6:19

Agh ooilley yn argid, as airh, as siyn prash, as yiarn, t’ad er nyn gasherickey gys y Chiarn: bee ad er nyn goyrt lhieu gys tashtaghyn y Chiarn.

Deuteronomy 20:16

Agh jeh ard-valjyn y pobble shoh, ta’n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

Joshua 6:25

As ren Joshua sauail bioys Rahab yn ven-oast, as lught-thie e ayrey, as ooilley ny v’eck; (as t’ee cummal ayns Israel, gys y laa t’ayn jiu;) er-yn-oyr dy ren ee keiltyn ny chaghteryn hug Joshua magh dy ghoaill baght jeh Jericho.

Earrooyn 31:10

As losht ad ooilley ny ard-valjyn raad v’ad cummal, as ooilley ny cashtallyn lajer oc losht ad lesh aile.

Deuteronomy 13:17

As cha keill oo veg jeh’n red custey: dy vod y Chiarn dty Yee chyndaa veih dewilys e chorree, as soilshaghey myghin dhyt, as chymmey v’echey ort, as bishaghey oo, myr vreear eh da dty ayraghyn;

Joshua 11:11

As woaill eh ooilley ny anmeenyn v’ayn lesh foyr y chliwe, stroie ad dy bollagh: cha row veg faagit bio: as losht eh Hazor lesh aile.

2 Samuel 10:5

Tra dinsh ad shoh da David, hug eh chaghteryn nyn guail, er-yn-oyr dy row ny deiney fo niart nearey: as dooyrt y ree, Fuirree-jee ec Jericho derrey vees ny faasaagyn eu er n’aase, as eisht tar-jee hym’s.

1 Recortyssyn 18:11

Ad shen myrgeddin ren David y chasherickey da’n Chiarn, marish yn argid as yn airh, hug eh lesh veih ooilley ny ashoonyn shoh; veih Edom, as veih Moab, as veih cloan Ammon, as veih ny Philistinee, as veih Amalek.