Joshua 6:22 - Yn Vible Casherick 1775 1819

²² Agh va Joshua er ghra rish y daa ghooinney va er ghoaill baght jeh’n cheer, Immee-jee gys thie yn ven-oast, as cur-jee lhieu ass shen yn ven, as ooilley ny t’eck, myr ren shiu loo jee.

Joshua 6:22 Iomraidhean Croise

Hebrewnee 11:31

Liorish credjue ve, nagh ren yn ven-oast Rahab cherraghtyn mâroosyn nagh ren credjal, tra hug ee oltagh-bea da ny brialtee ayns shee.

Joshua 6:17

As bee’n ard-valley hene, as ooilley ny t’ayn, fo mollaght gys y Chiarn: bioys Rahab yn ven-treoghe ny-lomarcan nee shiu y hauail, ish, as ooilley ny ta mâree ’sy thie; er-yn-oyr dy ren ee keiltyn ny chaghteryn ren shin y choyrt.

Ezekiel 17:16

Myr ta mee bio, ta’n Chiarn Jee dy ghra, son shickyrys ayns yn ynnyd cheddin, raad ta’n ree shen cummal, ren eshyn ny ree, e vreearrey hoie eh beg jeh, as e chonaant vrish eh, eer mârishyn, ayns mean Vabylon, yiow eh baase.

Ezekiel 17:13

As t’eh er ghoaill jeh’n sluight reeoil, as er n’yannoo conaant rish, as er n’ghoaill breearrey jeh: t’eh er n’ghoaill myrgeddin mârish deiney niartal y cheer.

Psalmyn 15:4

Eshyn nagh vel soiaghey jeh hene, agh ta imlee ayns e hooillyn hene: as jannoo mooar jeusyn ta goaill aggle roish y Chiarn.

2 Samuel 21:7

Agh haue y ree Mephibosheth, mac Yonathan, mac Saul, er coontey breearrey’n Chiarn va eddyr ad, eddyr David as Jonathan mac Saul.

2 Samuel 21:2

As deïe’n ree er ny Gibeoniteyn, as dooyrt eh roo; (nish cha row ny Gibeoniteyn jeh cloan Israel, agh jeh fooilliagh ny Amoriteyn; as va cloan Israel er vreearrey daue; as ve ayns aigney Saul dy stroie ad ayns e yeeanid da cloan Israel as Yudah;)

Joshua 9:15

As ren Joshua shee roo, as ren eh conaant roo, as hug eh nyn mioys daue; as ren princeyn y pobble breearrey dy reaylley’n chonaant.

Joshua 6:23

As hie ny deiney aegey, ny brialtee, stiagh, as hug ad lhieu magh Rahab, as e ayr, as e moir, as e braaraghyn, as ooilley ny v’eck; as hug ad lhieu magh ooilley e kynney, as ren ad faagail ad cheu-mooie jeh camp Israel.

Briwnyn 1:25

As tra v’eh er yeeaghyn daue y raad, woaill ad yn ard-valley lesh foyr y chliwe; agh lhig ad y raad da’n dooinney as da ooilley e lught-thie.