Joshua 6:19 - Yn Vible Casherick 1775 1819

¹⁹ Agh ooilley yn argid, as airh, as siyn prash, as yiarn, t’ad er nyn gasherickey gys y Chiarn: bee ad er nyn goyrt lhieu gys tashtaghyn y Chiarn.

Joshua 6:19 Iomraidhean Croise

Noo Mian 27:6

As ghow ny ard-saggyrtyn ny peeshyn argid, as dooyrt ad, Cha vel eh lowal dy choyrt ad mastey tashtaghyn y chiamble, er-yn-oyr dy nee leagh folley t’ayn.

1 Recortyssyn 26:20

As jeh ny Leviteyn, Ahijah va harrish tashtaghyn thie Yee, as harrish tashtaghyn y chooid chasherick.

Noo Mark 12:41

As myr va Yeesey ny hoie liorish kishtey yn stoyr, ghow eh tastey kys va’n pobble cur argid ayns y stoyr: as ren ymmodee va berchagh cur ayn dy palchey.

Nehemiah 10:38

As bee yn saggyrt mac Aaron marish ny Leviteyn; tra ta ny Leviteyn goaill jaghee; as ver ny saggyrtyn lhieu seose yn jeihoo ayrn jeh ny jagheenyn gys thie yn Jee ain, gys ny shamyryn, gys y thie-tashtee.

1 Recortyssyn 18:11

Ad shen myrgeddin ren David y chasherickey da’n Chiarn, marish yn argid as yn airh, hug eh lesh veih ooilley ny ashoonyn shoh; veih Edom, as veih Moab, as veih cloan Ammon, as veih ny Philistinee, as veih Amalek.

2 Reeaghyn 24:13

As hug eh lesh magh veih shen ooilley tashtaghyn thie yn Chiarn, as tashtaghyn thie yn ree, as yiare eh ayns peeshyn ooilley ny siyn airhey va Solomon ree Israel er n’yannoo ayns chiamble y Chiarn, myr va’n Chiarn er ghra.

1 Reeaghyn 7:51

Myr shoh va kione er ooilley yn obbyr ren ree Solomon y yannoo son thie’n Chiarn. As hug Solomon lesh stiagh yn stoo va David e ayr er chasherickey; ta shen, yn argid, as yn airh, as ny siyn, hug eh mastey tashtaghyn thie’n Chiarn.

2 Samuel 8:11

Ad shoh ren David neesht y chasherickey da’n Chiarn, marish yn argid as yn airh v’eh er chasherickey veih dy chooilley ashoon v’eh er gheddyn y varriaght orroo;

Micah 4:13

Irree as jean tasteraght, O inneen Zion: son nee’m yn eairk ayd y yannoo dy yiarn, as neem’s ny yngnyn ayd jeh prash, as bwoaillee oo ymmodee pobble ayns peeshyn mynney: as nee’m yn cosney oc y chasherickey gys y Chiarn, as yn chooid oc gys Chiarn y slane seihll.

2 Recortyssyn 31:12

As hug ad lhieu stiagh ny ourallyn as ny jagheenyn, as y chooid chasherick ayns coontey kiart: yn currym oc va er Cononiah yn Levite, as er Shimei e vraar fo;

2 Recortyssyn 15:18

As hug eh lesh stiagh gys thie Yee ny reddyn va e ayr er chasherickey, as ad shen v’eh hene er chasherickey, argid, as airh, as siyn.

1 Recortyssyn 28:12

As cummey jeh ooilley ny hug spyrryd Yee roish, jeh cooyrtyn thie’n Chiarn, as jeh ooilley ny shamyryn mygeayrt, jeh ny thieyn-tashtee casherick, as jeh thieyn-tashtee yn chooid chasherick:

1 Recortyssyn 26:28

As ooilley ny va Samuel y phadeyr, as Saul mac Kish, as Abner mac Ner, as Joab mac Zeruiah er chasherickey; as quoi-erbee va er chasherickey nhee erbee, ve fo currym Shelomith, as e vraaraghyn.

1 Recortyssyn 26:26

Shelomith cheddin as e vraaraghyn, va harrish ooilley tashtaghyn y chooid chasherick, va David y ree, as ny ard ayraghyn, ny captanyn harrish thousaneyn as keeadyn, as captanyn ny sheshaghtyn-caggee er chasherickey.

1 Reeaghyn 14:26

As ghow eh ersooyl tashtaghyn thie’n Chiarn, as tashtaghyn thie’n ree; ghow eh dy jarroo ooilley ersooyl: as ghow eh ersooyl ooilley ny scapeyn airhey va Solomon er n’yannoo.

Jeremiah 38:11

Er shen ghow Ebed-melech ny deiney mârish, as hie eh stiagh gys thie yn ree fo yn thie-tashtee, raad hooar eh shenn chloodyn ceaut, as shenn frytlagyn loau, as lhig eh sheese ad lesh coyrdyn ’sy dungeon gys Jeremiah.

Earrooyn 31:22

Er-lhimmey jeh’n airh, as yn argid, yn phrash, yn yiarn, yn stainney, as y leoaie,

Leviticus 19:24

Agh ayns y chiarroo vleïn, bee’n slane mess echey casherick, gys moylley’n Chiarn.

Earrooyn 31:11

As ghow ad ooilley’n spooilley, as ooilley’n chragh, chammah deiney as maase.

Earrooyn 31:12

As hug ad lhieu ny cappeeyn, as y chragh, as y spooilley gys Moses as Eleazar y saggyrt, as gys slane sheshaght cloan Israel, gys y champ ec thalloo-rea Voab, ta liorish Jordan, er-gerrey da Jericho.

Joshua 7:11

Ta Israel er n’yannoo peccah, as t’ad er vrishey my chonaant ren mee y harey daue: son t’ad er ghoaill jeh’n eer red cursit, as t’ad myrgeddin er gheid, as neesht er cheiltyn, as eer er choyrt yn ghriu mastey yn chooid oc hene.

1 Recortyssyn 26:27

Jeh’n spooilley chossyn ad ayns caggey, ren ad ayrn y chasherickey, dy choamrey thie’n Chiarn.