Joshua 6:17 - Yn Vible Casherick 1775 1819

¹⁷ As bee’n ard-valley hene, as ooilley ny t’ayn, fo mollaght gys y Chiarn: bioys Rahab yn ven-treoghe ny-lomarcan nee shiu y hauail, ish, as ooilley ny ta mâree ’sy thie; er-yn-oyr dy ren ee keiltyn ny chaghteryn ren shin y choyrt.

Joshua 6:17 Iomraidhean Croise

Deuteronomy 20:17

Agh nee oo dy bollagh stroie ad, ta shen, ny Hittiteyn, as ny Amoriteyn, ny Canaaniteyn, as ny Perizziteyn, ny Hiviteyn, as ny Jebusiteyn, myr ta’n Chiarn dty Yee er dty harey:

Jamys 2:25

Myrgeddin neesht, nagh row Rahab yn ven-oast er ny heyrey liorish obbraghyn, tra v’ee er n’ghoaill stiagh ny chaghteryn, as er choyrt magh ad raad elley?

Micah 4:13

Irree as jean tasteraght, O inneen Zion: son nee’m yn eairk ayd y yannoo dy yiarn, as neem’s ny yngnyn ayd jeh prash, as bwoaillee oo ymmodee pobble ayns peeshyn mynney: as nee’m yn cosney oc y chasherickey gys y Chiarn, as yn chooid oc gys Chiarn y slane seihll.

Hebrewnee 11:31

Liorish credjue ve, nagh ren yn ven-oast Rahab cherraghtyn mâroosyn nagh ren credjal, tra hug ee oltagh-bea da ny brialtee ayns shee.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]

Galatianee 3:12

As cha vel y leigh jeh credjue: agh, Yn dooinney ta dy chooilleeney ad bee eh bio lioroo.

Galatianee 3:10

Son whilleen as ta jeh obbraghyn y leigh, t’ad fo’n mollaght: son te scruit, Cursit ta dagh unnane nagh vel tannaghtyn ayns dy chooilley nhee ta scruit ayns lioar y leigh dy yannoo ad.

1 Corinthianee 2:7

Agh ta shin loayrt creenaght Yee ayns folliaght, dy jarroo yn chreenaght follit shen ren Jee goardaghey roish ny seihllyn gys y ghloyr ainyn:

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Genesis 12:3

As nee’m adsyn y vannaghey, ta dy dty vannaghey, as ver-ym mollaght ersyn ta guee mollaght ort’s: as aynyd’s vees ooilley ashoonee yn ooir er nyn mannaghey.

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema Maranatha.

Ezekiel 39:17

As uss, vac y dooinney, myr shoh ta’n Chiarn Jee dy ghra, Cur eam son dagh eean skianagh, as son dagh beisht y vagheragh; chaggle-jee shiu hene, as tar-jee cooidjagh er dagh cheu, gys yn oural aym’s, shen ta mee dy hebbal er nyn son, eer oural mooar er sleityn Israel, dy vod shiu gee yn eill, as giu yn uill.

Jeremiah 46:10

Son ta shoh laa yn Chiarn Jee ny sheshaghtyn-caggee, laa yn lhiasaghey, dy ghoaill cooilleeney er e noidyn: as nee yn cliwe sluggey gys y clane, as bee eh er-meshtey lesh yn uill oc; son ec y Chiarn Jee ny sheshaghtyn-caggee ta oural [folley] ayns y cheer twoaie liorish yn awin Euphrates.

Isaiah 34:6

Ta cliwe y Chiarn lane lesh fuill; te mea lesh riurid, as lesh fuill eayin as goair, lesh eeh aaraghyn reaghyn: son ta oural ec y Chiarn ayns Bozrah, as slaughter dewil ayns cheer Idumea.

Ezra 10:8

As quoi-erbee nagh darragh cheu-sthie jeh three laa, cordail rish coyrle ny princeyn as y chanstyr, dy beagh ooilley e chooid goit seose, as eh-hene giarit magh veih sheshaght cloan y chappeeys.

1 Samuel 15:6

As dooyrt Saul rish ny Keniteyn, ersooyl-jee, cosne-jee reue, as immee-jee sheese veih mastey ny Amalekiteyn, er-aggle dy jean-yms shiu y stroie mâroo: son ren shiuish kenjallys y hoilshaghey da ooilley cloan Israel tra haink ad seose ass Egypt. Myr shoh hie ny Keniteyn rhymboo, veih mastey ny Amalekiteyn.

Joshua 7:1

Agh va cloan Israel foiljagh ayns goaill jeh’n stoo custey: son ren Achan, mac Carmi, mac Zabdi, mac Zerah, jeh tribe Yudah, goaill jeh’n red custey: as va jymmoose yn Chiarn er ny vrasnaghey noi cloan Israel.

Joshua 2:22

As chossyn ad roue, as haink ad gys y clieau, as duirree ad ayns shen three laa, derrey va ny eiyrtyssee er jyndaa: As ren ny eiyrtyssee briaght er nyn son trooid ooilley yn raad, agh cha row ad ry-gheddyn.

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

Leviticus 27:21

Agh tra te roie magh ayns y jubile, bee’n magher casherick da’n Chiarn, myr magher fo breearrey: bee’n eiraght echey lesh ny saggyrtyn.