Joshua 5:5 - Yn Vible Casherick 1775 1819

⁵ Nish va ooilley yn pobble haink ass er nyn yiarey-chymmylt; agh ooilley yn pobble v’er ny ruggey ’syn aasagh er y raad myr haink ad ass Egypt, ad shen cha row er nyn yiarey-chymmylt.

Joshua 5:5 Iomraidhean Croise

Galatianee 6:15

Son ayns Creest Yeesey, chamoo ta giarey-chymmylt jeh foays erbee, ny an-ghiarey-chymmylt, agh cretoor noa.

Galatianee 5:6

Son ayns Yeesey Creest, cha vel giarey-chymmylt jeh veg y vondeish, ny an-ghiarey-chymmylt, agh credjue ta gobbraghey liorish graih.

1 Corinthianee 7:19

Cha vel giarey-chymmylt veg, as cha vel an-ghiarey-chymmylt veg, agh freaylley annaghyn Yee.

Romanee 2:26

Shen-y-fa, my ta’n an-ghiarey-chymmylt freayll cairys y leigh, nagh bee yn an-ghiarey-chymmylt echey er ny choontey son giarey-chymmylt?

Noo Mian 12:7

Agh dy beagh fys er ve euish, cre ta er ny hoiggal liorish y raa shoh, Share lhiam myghin na oural, cha beagh shiu er gheyrey yn vooinjer neu-chyndagh.

Joshua 5:4

As shoh yn oyr v’ec Joshua dy yiarey-chymmylt: ooilley ny deiney haink ass Egypt, eer ooilley ny deiney caggee, hooar ad baase, ’syn aasagh er y raad, erreish daue v’er jeet magh ass Egypt.

Joshua 5:6

Son ren cloan Israel troailt da-eed bleïn ayns yn aasagh, derrey va ooilley yn pobble va deiney caggee, haink magh ass Egypt, marroo, er-yn-oyr nagh dug ad biallys da coraa yn Chiarn: daue shoh ren y Chiarn breearrey nagh jinnagh eh shilley dauesyn jeh’n cheer ren y Chiarn loo da ny ayraghyn oc dy choyrt daue, cheer taal bainney as mill.