Joshua 5:2 - Yn Vible Casherick 1775 1819

² Ec y traa shen dooyrt y Chiarn rish Joshua, Lhig da skynnyn gyerey ve jeant, as lhig da cloan Israel v’er ny yiarey-chymmylt yn nah cheayrt.

Joshua 5:2 Iomraidhean Croise

Deuteronomy 30:6

As nee’n Chiarn dty Yee dty chree y yiarey-chymmylt, as cree dty luight, dy choyrt graih da’n Chiarn dty Yee, lesh ooilley dty chree, as lesh ooilley dt’annym, dy vod oo ve beayn.

Deuteronomy 10:16

Jean-jee, er-y-fa shen, nyn greeaghyn y yiarey-chymmylt, as ny bee-jee ny sodjey creoi-wannallagh.

Exodus 4:25

Er shoh ghow Zipporah skynn dy chlagh gyere, as ren ee giarey-chymmylt e mac; as hilg ee eh ec e chassyn, as dooyrt ee, T’ou uss dy jarroo er ve dty ghooinney folley dooys.

Colossianee 2:11

Aynsyn ta shiuish myrgeddin er nyn ghiarey-chymmylt lesh y ghiarey-chymmylt jeant fegooish laueyn, ayns coyrt ersooyl corp peccaghyn yn eill, liorish giarey-chymmylt Chreest:

Romanee 4:11

As hooar eh yn cowrey dy ghiarey-chymmylt, myr seal jeh cairys y chredjue va echey roish hie giarey-chymmylt er; dy voddagh eh ve yn ayr ocsyn ooilley ta credjal, ga nagh vel ad er nyn ghiarey-chymmylt; dy voddagh cairys ve er ny choyrt gys y lieh ocsyn myrgeddin:

Romanee 2:29

Agh t’eshyn ny Ew, ta fer er cheu-sthie; as ta’n giarey-chymmylt [firrinagh shen] jeh’n chree, ayns y spyrryd, as cha nee ayns y letter, yn moylley echey cha vel veih deiney, agh veih Jee.

Joshua 5:3

As hooar Joshua skynnyn gyerey jeant, as va cloan Israel er nyn yiarey-chymmylt ec cronk ny chymmyltee.