Joshua 5:14 - Yn Vible Casherick 1775 1819

¹⁴ As dooyrt eshyn, Cha nee nyn ’oï; agh myr ard-leeideilagh sheshaght-caggee yn Chiarn ta mish er jeet. As chroym Joshua lesh e eddin gys yn ooir, as hug eh ammys, as dooyrt eh rish, Cre ta my Hiarn dy ghra rish e harvaant?

Joshua 5:14 Iomraidhean Croise

Isaiah 55:4

Cur-my-ner, ta mee er choyrt eh son feanish da’n pobble, ny reiltagh as fer-ynsee da’n pobble.

Genesis 17:3

As huitt Abram er e eddin; as loayr Jee rish, gra,

Noo Luke 20:42

As dy vel David eh-hene ayns lioar ny psalmyn gra, Dooyrt y Chiarn rish my Hiarn’s, Soie uss er my laue yesh,

Daniel 12:1

As ec y traa shen, shassee Michael seose, yn ard-phrince, ta ass lieh cloan dty phobble, as hig traa seaghnagh, lheid as nagh row rieau neayr va ashoon, gys yn eer traa cheddin: as ec y traa shen bee dty phobble er ny livrey, dagh unnane vees ry-gheddyn scruit ayns y lioar.

Daniel 10:13

Agh ren prince reeriaght Phersia shassoo m’oï, laa as feed; agh cur-my-ner haink Michael ard-phrince ny princeyn dy chooney lhiam, as duirree mee ayns shen marish reeaghyn Phersia.

Ashlish 12:7

As va caggey ayns niau: ren Michael as e ainleyn caggey noi’n dragon, as ren y dragon as e ainleyn caggey;

Noo Ean 20:28

As dreggyr Thomase as dooyrt eh rish, My Hiarn, as my Yee.

Noo Mian 22:44

Dooyrt y Chiarn rish my Hiarn’s, Soie uss er my laue yesh, derrey neem’s dty noidyn stoyl dty choshey?

Noo Mian 8:2

As cur-my-ner haink lourane, as hug eh ooashley da, gra, Hiarn, my she dt’aigney eh, foddee oo mish y yannoo glen.

Daniel 10:21

Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Isaiah 6:8

Myrgeddin cheayll mee coraa yn Chiarn, gra, Quoi nee’m y choyrt, as quoi hed er chaghteraght er nyn son? Eisht dooyrt mee, Ta mish ayns shoh; lhig dooys goll.

Earrooyn 16:45

Scarr-jee shiu hene veih’n cheshaght shoh, dy jean-ym ad y stroie myr ayns tullogh: as huitt ad er nyn eddin.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

Jannoo 9:6

As v’eh er-creau as fo atchim, as dooyrt eh, Hiarn, cre bailt mee dy yannoo? As dooyrt y Chiarn rish, Irree, as gow gys yn ard-valley, as bee eh inshit dhyt cre ta ort dy yannoo.

Noo Luke 1:43

As kys ta’n [ooashley] aym, dy vel moir my Hiarn er jeet dy my yeeaghyn?

Psalmyn 110:1

Dooyrt y Chiarn rish my Hiarn’s: Soie uss er my laue yesh, derrey nee’m dty noidyn y yannoo stoyl dty choshey.

Leviticus 9:24

As haink aile magh veih kionfenish y Chiarn, as losht eh er yn altar yn oural-losht, as yn eeh: as tra honnick y pobble shen, hrog ad seose nyn goraa, as huitt ad er nyn eddinyn.

Exodus 4:10

As dooyrt Moses rish y Chiarn, O my Hiarn, cha nee dooinney mee dy ghlare floaoil, chamoo roish, ny erreish dhyt loayrt rish dty harvaant: agh ta mee moal ayns glare as chengey.

Genesis 17:17

As huitt Abraham er e eddin, as ren eh garaghtee, as dooyrt eh ayns e chree, Bee lhiannoo er ny ruggey dasyn ta keead bleïn dy eash? as jean Sarah, ta kiare-feed bleïn as jeih, lhiannoo y ymmyrkey?

Noo Luke 5:12

As haink eh gy-kione, tra v’eh ayns ard-valley dy row, cur-my-ner, dooinney lane jeh’n louraanys: as tra honnick eh Yeesey, huitt eh sheese er e eddin, jannoo aghin huggey as gra, Hiarn, my she dty aigney eh, foddee oo mish y yannoo glen.

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?

Exodus 4:13

As dooyrt eh, O my Hiarn, cur dty haghteraght, ta mee guee ort, liorishyn ta ny s’fondagh er y hon.

Psalmyn 24:10

Quoi ta ree ny ghloyr: dy jarroo yn Chiarn dy heshaght-chaggee, eshyn ree ny ghloyr.

Earrooyn 22:31

Eisht doshil y Chiarn sooillyn Valaam, as honnick eh ainle y Chiarn ny hassoo ayns y raad, as e chliwe lommyrtagh ayns e laue; as chroym eh sheese e chione, lesh e eddin gys y thalloo.

Joshua 20:1

Eisht loayr y Chiarn rish Joshua, gra,

2 Samuel 7:19

As cha row shoh foast agh red fardalagh ayns dty hilley, O Hiarn Yee; son t’ou er loayrt myrgeddin jeh thie dty harvaant son earish foddey ry-heet. As vel shoh lurg cliaghtey deiney, O Hiarn Yee?

2 Samuel 7:20

As cre smoo oddys David gra rhyt? son t’ou uss, Hiarn Yee, toiggal cree dty harvaant.

Ezekiel 3:23

Eisht dirree mee, as hie mee magh ’sy vagher, as cur-my-ner hass gloyr y Chiarn ayns shen, myr y ghloyr shen honnick mee liorish awin Chebar, as huitt mee er my eddin.

Daniel 8:11

Dy jarroo ren eh soiaghey seose eh-hene dy ve eer corrym rish prince y cheshaght-chaggee, as liorishyn va’n oural-laaoil er ny ghoaill ersooyl, as ynnyd e hiamble casherick er ny lhieggal.