Joshua 4:22 - Yn Vible Casherick 1775 1819

²² Eisht ver shiu toiggal da nyn gloan, gra, Haink Israel trooid Jordan er thalloo chirrym.

Joshua 4:22 Iomraidhean Croise

Joshua 3:17

As ren ny saggyrtyn va gymmyrkey arg conaant y Chiarn shassoo shickyr er thalloo chirrym ayns mean Yordan, as ren ooilley ny Israeliteyn goll harrish er thalloo chirrym, derrey va’n slane pobble dy bollagh er gholl harrish Jordan.

Isaiah 51:10

Nagh nee uss eh t’er jyrmagh seose yn aarkey, ushtaghyn y diunid vooar; t’er n’yannoo diunid ny marrey ny raad-vooar son e chloan chionnit dy gholl ny hrooid?

Ashlish 16:12

As gheayrt y cheyoo ainle e chappan er awin vooar Euphrates; as va e ushtey chyrmit seose, dy voddagh raad ve jeant aarloo da reeaghyn y shiar.

Isaiah 44:27

Ta gra rish y diunid, Bee er dty hyrmaghey, as chyrmee-yms seose dty awinyn;

Exodus 15:19

Son hie cabbil Pharaoh stiagh ’syn aarkey, lesh e ainee, as e varkee, as hug y Chiarn lesh reesht ushtaghyn yn aarkey orroo: agh ren cloan Israel troailt er thalloo chirrym ayns mean yn aarkey.

Exodus 14:29

Agh hie cloan Israel er nyn doshiaght er thalloo chirrym, ayns mean yn aarkey: as va ny ushtaghyn son voalley daue, er nyn laue yesh, as er nyn laue hoshtal.

Exodus 14:22

As hie cloan Israel trooid yn aarkey er thalloo chirrym: as va ny ushtaghyn son voalley daue er nyn laue yesh, as er nyn laue hoshtal.

Joshua 4:21

As loayr eh rish cloan Israel, gra, Tra nee yn chloan eu briaght jeh nyn ayraghyn ’sy traa ry-heet, gra, Cre ta er ny hoiggal liorish ny claghyn shoh?

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.