Joshua 3:3 - Yn Vible Casherick 1775 1819

³ As hug ad currym er y pobble, gra, Cha leah as nee shiu fakin arg conaant yn Chiarn y Jee eu, as ny saggyrtyn ny Leviteyn gymmyrkey eh, eisht nee shiuish troggal, as goll geiyrt er.

Joshua 3:3 Iomraidhean Croise

Deuteronomy 31:9

As scrieu Moses yn leigh shoh, as hug eh eh fo currym ny saggyrtyn, mec Levi, va gymmyrkey arg conaant y Chiarn, as da ooilley shanstyr Israel.

2 Samuel 6:13

As myr shen ve, tra v’adsyn va gymmyrkey arg y Chiarn, er n’gholl shey kesmadyn, dy heb eh dew as beiyn roauyrey ayns oural.

Joshua 3:8

As ver oo currym da ny saggyrtyn ta gymmyrkey arg y chonaant, as jir oo, Tra vees shiu er jeet gys oirr awin Yordan, nee shiu shassoo sthill ayns Jordan.

Deuteronomy 31:25

Dy dug Moses sarey da ny Leviteyn, orroo va currym arg conaant y Chiarn, gra,

Earrooyn 10:33

As hie ad rhymboo veih slieau’n Chiarn jurnah three laa: as hie arg chonaant y Chiarn er y raad roue, ’sy jurnah oc dy hree laa, dy gheddyn magh daue ynnyd dy hannaghtyn ayn.

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr v’ad ny chied messyn da Jee as da’n Eayn.

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh-hene y obbal, as e chrosh y hroggal, as geiyrt orrym.

Noo Mian 8:19

As haink scrudeyr dy row huggey, as dooyrt eh rish, Vainshter, eiyr-yms ort raad erbee dy jed oo.

2 Samuel 6:3

As hoie ad arg Yee er cart noa, as hug ad lhieu eh ass thie Abinadab v’ayns Gibeah: as Uzza as Ahio, mec Abinadab, deiyr y chart noa.

Joshua 6:6

As deïe Joshua mac Nun er ny saggyrtyn, as dooyrt eh roo, Trog-jee seose arg y chonaant, as lhig da shiaght saggyrtyn cur lhieu shiaght cayrnyn dy eairkyn rea roish arg y Chiarn.

Joshua 4:10

Son ren ny saggyrtyn dymmyrk yn arg shassoo ayns mean Yordan, derrey va dy chooilley nhee er ny chooilleeney va’n Chiarn er phointeil da Joshua dy ghra rish y pobble, cordail rish ooilley ny va Moses er churmal Joshua: as ren y pobble siyr, as hie ad harrish.

Joshua 3:6

As loayr Joshua rish ny saggyrtyn, gra, Trog-jee seose arg y chonaant, as gow-jee shiuish harrish roish y pobble. As hrog ad arg y chonaant, as jimmee ad roish y pobble.

Earrooyn 4:15

As tra vees Aaron as e vec erreish coodaghey yn ynnyd casherick, as ooilley ny siyn casherick, myr ta’n camp dy gholl er y hoshiaght; lurg shen, hig mec Kohath dy choyrt lhieu eh; agh cha negin daue bentyn rish nhee casherick erbee, er-aggle dy vow ad baase. Ta ny reddyn shoh errey mec Kohath, ayns cabbane-agglish y cheshaght.

Joshua 3:4

Ny-yeih bee space daa housane cubit eddyr shiuish as yn arg: ny tar-jee er-gerrey da, dy vod shiu baght y ghoaill jeh’n raad ta shiu dy gholl: son cha vel shiu er gholl yn raad shoh roïe.

1 Samuel 6:15

Son va ny Leviteyn er ghoaill sheese arg y Chiarn, as y box va liorish, ayn va ny jewellyn dy airh, as hug ad er y chlagh vooar ad; as ren deiney Veth-shemesh chebbal ourallyn-losht as ourallyn-shee yn laa cheddin gys y Chiarn.

1 Reeaghyn 8:3

As haink ooilley shanstyr Israel, as hrog ny saggyrtyn lhieu yn arg.

Jeremiah 33:18

Chamoo nee ny saggyrtyn ny Leviteyn laccal dooinney ayns my enish, dy hebbal ourallyn-losht, as ourallyn-arran, as dy yannoo shirveish casherick gagh-laa kiongoyrt rhym.