Joshua 24:32 - Yn Vible Casherick 1775 1819

³² As craueyn Yoseph, hug cloan Israel lhieu seose ass Egypt, ren ad y oanluckey ayns Shechem, ayns y pheesh dy ghrunt chionnee Jacob veih mec Hamor, ayr Shechem, son keead peesh dy argid: as haink eh dy ve eiraght cloan Yoseph.

Joshua 24:32 Iomraidhean Croise

Genesis 50:25

As ghow Joseph loo jeh cloan Israel, gra, Nee Jee son shickyrys jeeaghyn erriu, as ver shiu lhieu seose my chraueyn veih shoh.

Genesis 33:19

As chionnee eh peesh dy halloo, raad skeayl eh e chabbane, veih laue chloan Hamor, ayr Shechem, son keead peesh dy argid.

Exodus 13:19

As ghow Moses craueyn Yoseph mârish; son v’eh er choyrt cloan Israel fo breearrey gyere, gra, Nee Jee son shickyrys jeeaghyn erriu, as ver shiu lhieu ersooyl mêriu my chraueyn veih shoh.

Jannoo 7:16

As v’ad er nyn goyrt lhieu harrish gys Sichem, as er nyn oanluckey ayns yn oaie va Abraham er chionnaghey son sym dy argid, veih mec Emmor ayr Sichem.

Hebrewnee 11:22

Liorish credjue ren Joseph roish e vaase, loayrt mychione immeeaght cloan Israel; as hug eh sarey mychione e chraueyn.

Noo Ean 4:5

Eisht haink eh gys ard-valley dy Samaria, ta enmyssit Sychar, er-gerrey da’n pheesh dy halloo hug Jacob da e vac Joseph.

Genesis 48:22

Ta mee myrgeddin er choyrt dhyt chooid-ronney sodjey, erskyn dty vraaraghyn, ghow mee ass laue yn Amorite lesh my chliwe, as lesh my vhow.

Jannoo 7:15

As hie Jacob sheese gys Egypt, as hooar eh baase, eh-hene as nyn shenn-ayryn,

Genesis 50:24

As dooyrt Joseph rish e vraaraghyn, Ta my vaase er-gerrey: as nee Jee son shickyrys jeeaghyn erriu, as ver eh lesh shiu ass y cheer shoh, gys y cheer yiall eh liorish breearrey da Abraham, da Isaac, as Jacob.