Joshua 24:27 - Yn Vible Casherick 1775 1819

²⁷ As dooyrt Joshua rish ooilley’n pobble, Cur-my-ner bee’n clagh shoh son feanish eddyr shin; son te er chlashtyn ooilley ny goan ta’n Chiarn er loayrt rooin: bee eh er-y-fa shen son feanish diu, nagh jean shiu gobbal yn Jee eu.

Joshua 24:27 Iomraidhean Croise

Noo Luke 19:40

As dreggyr eshyn, as dooyrt eh roo, Ta mee ginsh diu, my chummagh ad shoh nyn jengey, dy jinnagh ny eer claghyn troggal seose nyn goraa.

Joshua 22:34

As ren cloan Reuben, as cloan Ghad, genmys yn altar Ed: son bee eh son feanish eddyr shin dy vel y Chiarn y Jee ain.

Noo Mian 10:33

Agh quoi-erbee obbys mish kiongoyrt rish deiney, eshyn neem’s myrgeddin y obbal kiongoyrt rish my Ayr t’ayns niau.

Deuteronomy 31:26

Gow-jee’n lioar shoh jeh’n leigh, as cur-jee eh ayns lhiattee arg conaant y Chiarn nyn Yee, dy vod eh ve ayns shen, son feanish dt’oï.

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Raaghyn Creeney 30:9

Er-aggle dy bee’m lane as dy jarrood-ym oo, gra, Quoi ta’n Chiarn? ny, er-aggle dy bee’m boght, as geid, as goaill ennym my Yee ayns fardail.

Lioar Yob 31:23

Son ren aggle kerraghey veih Jee m’y lhiettal, as roish yn ard-ooashley echeysyn cha voddin shassoo.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.

Deuteronomy 32:1

Eaisht-jee, O shiuish niaughyn, as neem’s loayrt; as clasht, O halloo, rish goan my veeal.

Deuteronomy 31:21

As hig eh gy-kione, tra ta ymmodee uilk as seaghyn er duittym orroo, dy jean yn arrane shoh feanish y ymmyrkey nyn ’oï: son cha bee eh er ny yarrood ass beïll y sluight oc: son shione dou cre t’oc ayns nyn smooinaghtyn dy yannoo, eer nish, roish my ta mee er chur lhiam ad gys y cheer yiall mee dy choyrt daue.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee-viallagh, as noi dy chooilley obbyr vie er nyn greoghey.

Deuteronomy 31:19

Shen-y-fa nish, scrieu-jee yn arrane-moyllee shoh diu hene, as ynsee-jee eh da cloan Israel: dy vod eh ve oc dy ghoaill, as dy vod yn arrane shoh ve son feanish my lieh noi cloan Israel.

Deuteronomy 30:19

Ta mee goaill niau as thalloo son feanish nyn ’oï, yn laa t’ayn jiu, dy vel mee er hoiaghey reue bea as baase, bannaght as mollaght: shen-y-fa gow bea myr reih, dy vod chammah oo hene as dty luight ve beayn:

Deuteronomy 4:26

Ta mee geamagh er niau as thalloo son feanish nyn ’oï yn laa jiu, dy jed shiu dy leah, as dy bollagh naardey veih’n cheer, raad ta shiu goll harrish Jordan, dy ghoaill possession jeh: cha bee nyn laghyn foddey beayn ayn, agh bee shiu dy bollagh er nyn stroie.

Ashlish 3:8

Shione dou dty obbraghyn: cur-my-ner, ta mee er hoiaghey royd dorrys foshlit, as cha vod dooinney y yeigh eh: son ta red beg dy vree aynyd, as t’ou er vreayll my ghoo, as cha vel oo er obbal my ennym.

Habakkuk 2:11

Son nee’n chlagh geamagh ass y voalley, as nee’n jeayst mastey’n fuygh freggyrt eh.

Earrooyn 11:20

Agh son slane mee, derrey hig eh magh er ny stroanyn eu, as dy bee eh feohdoil diu; son dy vel shiu er hoiaghey beg jeh’n Chiarn ta ny mast’ eu, as er cheayney kiongoyrt rish, gra, Cre’n-fa haink shin magh ass Egypt?

Joshua 24:28

Eisht lhig Joshua da’n pobble goll rhymboo, dy chooilley ghooinney gys e eiraght.

Lioar Yob 31:28

Veagh shoh myrgeddin peccah toilchin kerraghey veih ny briwnyn: son eisht veign er n’obbal yn Jee t’er-nyn-skyn.

Isaiah 59:13

Ayns jannoo peccah as loayrt breagyn noi yn Chiarn, as coyrt cooyl rish y Jee ain, ayns goan dy hranlaase as dy irree-magh, giennaghtyn as loayrt veih’n chree ny goan dy oalsaght.