Joshua 24:23 - Yn Vible Casherick 1775 1819

²³ Nish er-y-fa shen, (as eshyn,) cur-jee ersooyl ny jeeghyn joarree ta ny mast ’eu, as lhig da ny creeaghyn eu lhiantyn gys y Chiarn Jee Israel.

Joshua 24:23 Iomraidhean Croise

Joshua 24:14

Shen-y-fa nish, gow-jee aggle roish y Chiarn, as shirveish-jee eh ayns ynrickys as firrinys: as cur-jee ersooyl ny jeeghyn ren ny ayraghyn eu shirveish er cheu elley jeh’n awin, as ayns Egypt; as shirveish-jee shiuish yn Chiarn.

Raaghyn Creeney 2:2

Myr shen dy jean oo croymmey dty chleaysh gys creenaght, as chyndaa dty chree gys tushtey;

Psalmyn 141:4

O ny lhig da my chree ve er ny lhoobey gys drogh obbyr erbee: ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er-aggle dy goym commee jeh ny t’ad goaill taitnys ayn.

Psalmyn 119:36

Croym my chree gys dty recortyssyn: as cha nee gys saynt.

Exodus 20:23

Cha jean shiu diu hene mârym’s jeeghyn argid, chamoo nee shiu diu hene jeeghyn airhey.

Hosea 14:8

Nee Ephraim gra, Cre t’aym dy yannoo arragh rish jallooyn? cheayll mee eh, as ghow mee tastey jeh: ta mee myr billey-juys glass, voym’s ta dty vess ry-gheddyn.

1 Reeaghyn 8:58

Dy vod eh ginjillaghey nyn greeaghyn huggey, dy hooyl ayns ooilley e raaidyn, as dy reayll e haraghyn, as e lattyssyn, as e vriwnyssyn, hug eh ayns sarey da nyn ayraghyn.

1 Reeaghyn 8:57

Dy row’n Chiarn yn Jee ain mârin, myr v’eh marish nyn ayraghyn: ny lhig da faagail, ny treigeil shin;

Psalmyn 81:10

Cha bee Jee erbee joarree aynyd’s: chamoo ver oo ooashley da Jee erbee elley.