Joshua 24:20 - Yn Vible Casherick 1775 1819

²⁰ My nee shiu treigeil y Chiarn as shirveish jeeghyn joarree, eisht nee eh chyndaa nyn ’oï, as ver eh seaghyn erriu, as ver eh mow shiu, lurg ooilley’n mie t’eh er n’yannoo diu.

Joshua 24:20 Iomraidhean Croise

Jannoo 7:42

Eisht hyndaa Jee, as livrey eh ad seose dy chur ooashley da pooaraghyn yn aer; myr te scruit ayns lioar ny phadeyryn, O hie Israel, vel shiu er hebbal dooys beïyn marroo as ourallyn, rish da-eed bleïn ayns yn aasagh?

Ezekiel 18:24

Agh tra ta’n dooinney cairal chyndaa ersooyl veih e chairys, as cur-rish mee-chairys, as jannoo lurg ooilley ny peccaghyn eajee ta’n drogh ghooinney cur-roo, bee y lheid echeysyn bio? ooilley’n chairys t’eh er n’yannoo, cha bee eh enmyssit da: ayns e loghtyn t’eh er n’yannoo, as ayns e pheccah t’eh er ny ve cur-rish, ayndoosyn yiow eh baase.

Jeremiah 17:13

O Hiarn, treishteil Israel, bee ooilley adsyn ta dty hreigeil er nyn goyrt gys nearey, as adsyn ta cur cooyl rhym’s bee ad scruit ’sy joan, er-yn-oyr dy vel ad er hreigeil y Chiarn, yn farrane dy ushtaghyn bio.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Isaiah 1:28

As bee toyrt-mow drogh-yantee as peccee lesh y cheilley, as bee adsyn ta treigeil y Chiarn er nyn stroie.

Ezra 8:22

Son cha lhiggagh y nearey dou shirrey veih’n ree sheshaght dy hidooryn, as markee, dy chooney lhien noi’n noid er y raad: er-yn-oyr dy row shin er loayrt rish y ree, gra, Ta laue’n Jee ayn orroosyn ooilley son mie ta dy hirrey eh, agh ta e phooar as e yymmoose noi ocsyn ooilley ta treigeil eh.

2 Recortyssyn 15:2

As hie eh magh quail Asa, as dooyrt eh rish, Clasht-jee rhym’s Asa, as ooilley Yudah as Venjamin, Ta’n Chiarn mêriu, choud as vees shiu mârishyn; as my nee shiu shirrey huggeysyn, bee eh er ny gheddyn lieriu; agh my hreigys shiu eshyn, nee eh shiuish y hreigeil.

Hebrewnee 10:38

Son bee’n dooinney cairagh er ny hauail liorish credjue: agh my ver dooinney erbee cooyl gys y chredjue, cha gow m’annym veg y taitnys ayn.

Deuteronomy 4:25

Tra nee oo geddyn cloan, as cloan dty chlienney, as tra vees oo er chummal foddey ’sy cheer, as er n’gholl dowin ayns peccah, as er n’yannoo jalloo grainnit, ny co-chaslys nhee erbee, as dy jean shiu dy olk ayns shilley’n Chiarn dty Yee, dy vrasnaghey eh gys corree:

Deuteronomy 4:26

Ta mee geamagh er niau as thalloo son feanish nyn ’oï yn laa jiu, dy jed shiu dy leah, as dy bollagh naardey veih’n cheer, raad ta shiu goll harrish Jordan, dy ghoaill possession jeh: cha bee nyn laghyn foddey beayn ayn, agh bee shiu dy bollagh er nyn stroie.

Joshua 24:21

As dooyrt y pobble rish Joshua, Cha jean mayd dy bragh treigeil eh, agh nee mayd shirveish y Chiarn.

1 Samuel 12:15

Agh mannagh der shiu biallys da coraa’n Chiarn, agh girree-magh noi sarey’n Chiarn, eisht bee laue y Chiarn nyn ’oï, myr ve noi nyn ayraghyn.

1 Samuel 12:25

Agh my nee shiu tannaghtyn dy chur-rish olk, hed shiu naardey, chammah shiu-hene as nyn ree.

1 Recortyssyn 28:8

Nish er-y-fa shen ayns shilley ooilley Israel as pobble y Chiarn, as ayns clashtyn y Jee ain, freill-jee as shir-jee lurg ooilley annaghyn y Chiarn y Jee eu: dy vod shiu freayll y cheer mie shoh ayns nyn gummal, as faagail eh son eiraght da nyn gloan nyn yeï son earishyn foddey beayn.

Psalmyn 89:31

Agh my hreigys yn chloan echey my leigh: as nagh n’immee ad ayns my vriwnyssyn;