Joshua 24:19 - Yn Vible Casherick 1775 1819

¹⁹ As dooyrt Joshua rish y pobble, Cha vod shiu shirveish y Chiarn: son t’eh ny Yee casherick; t’eh ny Yee eadolagh; cha leih eh diu nyn mee-viallys, ny nyn beccaghyn.

Joshua 24:19 Iomraidhean Croise

Isaiah 5:16

Agh bee Chiarn ny flaunyssee er ny ooashlaghey ayns briwnys, as bee yn Jee casherick er ny chasherickey ayns cairys.

Exodus 23:21

Cur geill da, as cur biallys da e choraa, ny jean eh y vrasnaghey; son cha leih eh nyn loghtyn: son ta m’ennym’s er.

Psalmyn 99:9

O cur-jee ard-voylley da’n Chiarn yn Jee ain, as jean-jee eshyn y ooashlaghey er e chronk casherick: son ta’n Chiarn yn Jee ain casherick.

Psalmyn 99:5

O cur-jee ard-voylley da’n Chiarn y Jee ain: as tuitt-jee sheese er nyn ghlioonyn kiongoyrt rish stoyl e choshey, son t’eshyn casherick.

Leviticus 19:2

Loayr rish slane sheshaght chloan Israel, as abbyr roo, Bee-jee shiuish casherick: son ta mish y Chiarn y Jee eu casherick.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

1 Samuel 6:20

As dooyrt deiney Veth-shemesh, Quoi oddys shassoo kiongoyrt rish y Chiarn Jee casherick shoh? as c’raad hed eh nish voïnyn?

Exodus 34:14

Son cha der oo ooashley da jee erbee elley; son ta’n Chiarn, e ennym ta Eadolys, ny Yee eadolagh:

Noo Mian 6:24

Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

Isaiah 30:15

Son shoh myr ta’n Chiarn Jee dy ghra, Jee casherick Israel, Ayns caghlaa coyrle as fea bee shiu ayns sauchys; ayns shee as ayns treishteil vees nyn marriaght; agh cha goghe shiu coyrle:

Isaiah 30:11

Cosne-jee ass y raad, chyndaa-jee dy lhiattee jeh’n chassan, lhig da Jee casherick Israel scughey veih ny mast’ ain.

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

1 Samuel 3:14

As shen-y-fa ta mee er vreearrey mychione lught-thie Eli, nagh bee lhiasaghey jeant son mee-chraueeaght thie Eli lesh chebballyn ny ourallyn son dy bragh.

Ruth 1:15

As dooyrt Naomi, Cur-my-ner, ta dty huyr-’sy-leigh er gholl back gys e pobble, as gys ny jeeghyn eck hene; chyndaa uss geiyrt er dty huyr-’sy-leigh.

Joshua 24:23

Nish er-y-fa shen, (as eshyn,) cur-jee ersooyl ny jeeghyn joarree ta ny mast ’eu, as lhig da ny creeaghyn eu lhiantyn gys y Chiarn Jee Israel.

Leviticus 20:26

As bee shiu casherick dooys: son mish y Chiarn, ta casherick, as er scarrey shiu veih dy chooilley phobble elley, dy vod shiu ve lhiam pene.

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Exodus 34:7

Freaylley myghin gour thousaneyn, mial mee-chraueeaght, as loghtyn, as peccah, as nagh jean, er saase erbee, ny kimmee y heyrey: kerraghey peccaghyn ny ayraghyn er y chloan, as er cloan ny chlienney, gys y trass as y chiarroo heeloghe.

Leviticus 20:7

Jean-jee shiu hene y casherickey er-y-fa shen, as bee-jee casherick: son mish y Chiarn y Jee eu.

Joshua 24:18

As ren y Chiarn geiyrt magh roïn ooilley’n pobble, eer ny Amoriteyn cummaltee’n cheer: shen-y-fa nee mayd myrgeddin shirveish y Chiarn; son eshyn y Jee ain.

Psalmyn 99:3

Ver ad booise da dt’Ennym’s: ta mooar, yindyssagh, as casherick.

Nahum 1:2

Ta Jee eadolagh, as ta’n Chiarn goaill kerraghey, ta’n Chiarn goaill cooilleeney, as t’eh eulyssagh, nee’n Chiarn goaill kerraghey er e noidyn; as freayll jymmoose cour e noidyn.

Leviticus 11:44

Son mish y Chiarn y Jee eu: nee shiu er-y-fa shen shiu hene y chasherickey, as bee shiu casherick, son ta mish casherick; chamoo nee shiu neu-ghlen jiu hene lesh keint erbee dy red snauee t’er yn ooir.

Leviticus 11:45

Son ta mish y Chiarn, hug lhiam shiu magh ass cheer Egypt, dy ve yn Jee eu: bee-jee shiuish er-y-fa shen casherick, son ta mish casherick.

Isaiah 2:9

As ta’n boght croymmey sheese eh-hene, as ta’n dooinney ooasle gliooney dy injil: shen-y-fa ny leih daue.