Joshua 24:15 - Yn Vible Casherick 1775 1819

¹⁵ Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.

Joshua 24:15 Iomraidhean Croise

1 Reeaghyn 18:21

As haink Elijah gys ooilley’n pobble, as dooyrt eh, Caïd ta shiu leaystey eddyr daa chredjue? my she’n Chiarn y Jee, eiyr-jee er: agh my she Baal, eisht eiyr-jee ersyn. As cha dug y pobble fockle dy ansoor da.

Deuteronomy 29:18

Nagh bee ny mast’ eu dooinney, ny ben, ny lught-thie, ny tribe, ta ayns nyn gree chyndaa ersooyl veih’n Chiarn nyn Yee, dy gholl dy hirveish jeeghyn ny ashoonyn shoh; nagh bee ny mast’ eu fraue ta gymmyrkey gall as ullymar,

Ezekiel 20:39

Mychione euish, O hie Israel, myr shoh ta’n Chiarn Jee dy ghra, Immee-jee, shirveish-jee dagh unnane e yallooyn hene, as ny lurg shoh myrgeddin, mannagh n’eaisht shiu rhym’s: agh ny jean-jee arragh my ennym’s casherick y vee-ooashlaghey lesh nyn ourallyn, as lesh nyn yallooyn.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Exodus 23:24

Cha jean oo croymmey sheese gys ny jeeghyn oc, ny shirveish ad, ny jannoo lurg nyn obbraghyn, agh nee oo stroie ad dy bollagh, as slane brishey ny jallooyn oc.

Briwnyn 6:10

As dooyrt mee riu, She mish yn Chiarn yn Jee eu; ny gow-jee aggle roish jeeghyn ny Amoriteyn, ’sy cheer oc ta shiu cummal: agh cha vel shiu er ve biallagh gys my choraa.

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

Psalmyn 101:2

O lhig da tushtey y ve aym: ayns y raad dy chraueeaght.

Psalmyn 119:106

Ta mee er vreearrey, as ta mee dy shickyr kiarit: dy reayll dty vriwnyssyn.

Deuteronomy 13:7

Ta shen, jeeghyn y pobble ta mygeayrt-y-miu, er-gerrey dhyt, ny foddey voïd, veih’n derrey chione, eer gys y chione elley jeh’n theihll:

Exodus 34:15

Er-aggle dy jean oo conaant rish cummaltee yn cheer, as dy n’eiyr ad er maarderys [spyrrydoil] lurg ny jeeghyn ocsyn, as dy jeb ad oural da ny jeeghyn oc, as dy jean fer dty chuirrey, as dy gow uss ayrn jeh e oural,

Genesis 35:2

Eisht dooyrt Jacob rish lught e hie, as rish ooilley ny va mârish, Cur-jee ersooyl ny jeeghyn joarree ta ny mast’ eu, as bee-jee glen, as caghlaa jee nyn goamraghyn:

Joshua 24:16

As dreggyr y pobble, as dooyrt ad, Ny lhig eh Jee dy dreigagh shin y Chiarn, dy hirveish jeeghyn elley;

Daniel 3:18

Agh mannagh jean, lhig fys y ve ayd’s, O ree, nagh jean mayd ny jeeghyn ayd’s y hirveish, ny ooashley y choyrt da’n jalloo airh shen, t’ou uss er hoiaghey seose.

Micah 4:5

Son nee dy chooilley phobble gimmeeaght dagh fer ayns ennym e yee hene, as nee shinyn gimmeeaght ayns ennym y Chiarn y Jee ain, son dy bragh as dy bragh.

Exodus 23:2

Cha n’eiyr oo er yn ymmodee dy yannoo olk: chamoo nee oo loayrt ayns cooish, dy gholl marish yn ymmodee, dy chassey briwnys.

Leviticus 14:42

As gowee ad claghyn elley, dy choyrt ayns ynnyd ny claghyn shen; as gowee ad mortar noa, dy phlastrail y thie.

1 Recortyssyn 1:14

Yn Jebusite myrgeddin, as yn Amorite, as y Girgashite,