Joshua 24:14 - Yn Vible Casherick 1775 1819

¹⁴ Shen-y-fa nish, gow-jee aggle roish y Chiarn, as shirveish-jee eh ayns ynrickys as firrinys: as cur-jee ersooyl ny jeeghyn ren ny ayraghyn eu shirveish er cheu elley jeh’n awin, as ayns Egypt; as shirveish-jee shiuish yn Chiarn.

Joshua 24:14 Iomraidhean Croise

1 Samuel 12:24

Ynrycan gow-jee aggle roish y Chiarn, as shirveish-jee eh ayns firrinys lesh ooilley nyn gree: son smooinee-jee cre ny reddyn yindyssagh t’eh er n’yannoo er nyn son.

Deuteronomy 10:12

As nish Israel, cre ta’n Chiarn dty Yee dy hirrey jeed, agh dy ghoaill aggle roish y Chiarn dty Yee, dy immeeaght ayns ooilley e raaidyn, as dy choyrt graih da, as dy hirveish y Chiarn dty Yee lesh ooilley dty chree, as lesh ooilley dty annym.

Genesis 35:2

Eisht dooyrt Jacob rish lught e hie, as rish ooilley ny va mârish, Cur-jee ersooyl ny jeeghyn joarree ta ny mast’ eu, as bee-jee glen, as caghlaa jee nyn goamraghyn:

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

Joshua 24:23

Nish er-y-fa shen, (as eshyn,) cur-jee ersooyl ny jeeghyn joarree ta ny mast ’eu, as lhig da ny creeaghyn eu lhiantyn gys y Chiarn Jee Israel.

Psalmyn 119:1

Bannit t’adsyn ta glen ayns y raad: as ta gimmeeaght ayns leigh yn Chiarn.

Ezekiel 20:18

Agh dooyrt mee rish nyn gloan ayns yn aasagh, Ny immee-jee shiuish ayns slattyssyn ny ayraghyn eu, chamoo cur-jee geill da ny briwnyssyn oc, chamoo tayrn-jee peccah erriu hene lesh nyn yallooyn.

Psalmyn 111:10

Ta aggle y Chiarn toshiaght creenaght: toiggal mie t’ocsyn ooilley ta dy ymmyrkey ad-hene cordail rish; ta’n moylley echey farraghtyn son dy bragh.

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Ezra 9:11

Ad t’ou er n’oardaghey liorish dty harvaantyn ny phadeyryn, gra, Ta’n cheer ayn ta shiu goll dy chummal, cheer neu-ghlen, lesh broïd pobble ny cheeraghyn, lesh nyn obbraghyn feohdoil, t’er lhieeney eh veih kione gy-kione, lesh nyn neu-ghlennid.

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

Joshua 24:2

As dooyrt Joshua rish ooilley’n pobble, Shoh myr ta’n Chiarn Jee Israel gra, Ren ny ayraghyn eu ’sy chenn earish cummal er cheu elley jeh’n awin [Euphrates] eer Terah ayr Abraham, as ayr Nachor: as ren ad jeeghyn joarree y hirveish.

Deuteronomy 18:13

Nee oo lhiantyn dy ynrick gys y Chiarn dty Yee.

Leviticus 17:7

As cha jeb ad ny-sodjey nyn ourallyn gys jouyil, roo t’ad er n’yannoo maarderys [spyrrydoil:] Bee shoh slattys kinjagh daue, trooid nyn sheelogheyn.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Ezekiel 23:3

As deiyr ad er streebeeys ayns Egypt, hug ad rish maarderys ayns nyn aegid, ayns shen va nyn geeaghyn er ny hionney, as shen y raad va sheeintyn nyn moidynys er nyn mroo.

Philippianee 1:10

Dy vod shiu lowal jeh ny reddyn smoo ooasle, dy vod shiu ve ynrick, as shickyr gys laa Chreest;

Ephesianee 6:24

Grayse dy row mâroosyn ooilley shynney lhieu yn Chiarn Yeesey Creest ayns ynrickys. Amen.

Psalmyn 130:4

Agh mayrt’s ta myghin: shen-y-fa bee aggle er ny ghoaill royd.

Psalmyn 119:80

O lhig da my chree v’er ny hickyraghey ayns dty lattyssyn: nagh bee nearey orrym.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

1 Samuel 7:3

As loayr Samuel rish ooilley thie Israel, gra, My ta shiu chyndaa gys y Chiarn lesh ooilley nyn gree, eisht cur-jee ersooyl ny jeeghyn joarree as Ashtaroth veih ny mast’ eu, as soie-jee nyn greeaghyn dy hirveish y Chiarn ny-lomarcan: as nee eh shiu y livrey ass laue ny Philistinee.

1 Samuel 12:14

My nee shiu aggle y ghoaill roish y Chiarn, as shirveish eh; as my ver shiu biallys da e choraa, as gyn girree-magh noi sarey’n Chiarn, eisht nee chammah shiu hene, as y ree ta reill harrishdiu, tannaghtyn dy hirveish y Chiarn y Jee eu:

Deuteronomy 6:13

Nee oo aggle y ghoaill roish y Chiarn dty Yee, as shirveish eh, as nee oo loo liorish e ennym.

Psalmyn 81:10

Cha bee Jee erbee joarree aynyd’s: chamoo ver oo ooashley da Jee erbee elley.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?