Joshua 24:13 - Yn Vible Casherick 1775 1819

¹³ As ta mee er choyrt diu cheer ayn nagh ren shiuish laboragh, as ard-valjyn nagh ren shiu troggal, as ta shiu cummal ayndoo; jeh ny garaghyn-feeyney, as ny garaghyn-olive, nagh ren shiuish soiaghey, ta shiu gee.

Joshua 24:13 Iomraidhean Croise

Deuteronomy 8:7

Son ta’n Chiarn dty Yee coyrt lesh oo gys cheer mie, cheer dy strooanyn ushtey, dy farraneyn, as diunidyn ta geill ass glionteenyn, as croink;

Raaghyn Creeney 13:22

Ta dooinney mie faagail eiraght da cloan e chlienney: as ta cooid y drogh-yantagh stoyrit cour yn er-cairagh.

Joshua 21:45

Cha ren nhee erbee failleil jeh ooilley ny reddyn mie shen va’n Chiarn er yialdyn da thie Israel; ve dy slane cooilleenit.

Joshua 11:13

Agh son ny ard-valjyn shen va foast faagit shassoo ayns nyn niart, cha losht Israel veg jeu, er-lhimmey jeh Hazor hene; shen ren Joshua lostey.

Exodus 6:8

As ver-yms lhiam shiu stiagh gys y cheer, my-e-chione ren mee breearrey dy choyrt eh da Abraham, as da Isaac, as da Jacob: as ver-yms diuish eh son eiraght: mish y Chiarn.

Deuteronomy 19:1

Tra ta’n Chiarn dty Yee er yiarey jeh ny ashoonee, yn cheer oc ta’n Chiarn dty Yee dy choyrt dhyt’s, as uss dy heet nyn ynnyd, as cummal ayns ny ard-valjyn, as ayns ny thieyn oc;