Joshua 24:12 - Yn Vible Casherick 1775 1819

¹² As hug mee yn pheishteig-nieunagh reue, ren ad y eiyrt magh rhymbiu, eer yn daa ree jeh ny Amoriteyn; agh cha nee lesh y chliwe ayd’s, ny lesh dty vhow.

Joshua 24:12 Iomraidhean Croise

Deuteronomy 7:20

Marish shoh, ver y Chiarn dty Yee yn shellan-nieunagh nyn mastey, derrey vees adsyn vees er-mayrn, as nee follaghey ad hene voïd’s, er nyn stroie.

Exodus 23:28

As ver-yms ny peishteigyn-nieunagh royd, nee yn Hivite, yn Canaanite, as yn Hittite y eebyrt royd.

Exodus 23:31

As neem’s soiaghey dty chagleeyn veih’n Faarkey Jiarg eer gys faarkey ny Philistinee, as veih faasagh [Arabia] gys awin [Euphrates;] son neem’s cummaltee yn cheer y livrey gys nyn laue, as nee’m ad y imman magh royd.

Psalmyn 80:9

Ren oo ynnyd da: as tra ve er ghoaill fraue, lhieen eh yn cheer.

Earrooyn 21:31

Myr shoh ren Israel cummal ayns cheer ny Amoriteyn.

Earrooyn 21:32

As hug Moses magh brialtee gys Jaazer, as ghow ad ny baljyn echey, as deiyr ad magh ny Amoriteyn v’ayndoo.

Deuteronomy 4:46

Er y cheu shoh dy Yordan, ’sy choan liorish Beth-peor, ayns cheer Sihon ree ny Amoriteyn, va cummal ec Heshbon, ren Moses as cloan Israel y stroie, lurg daue v’er jeet magh ass Egypt:

Deuteronomy 4:47

As ghow ad possession jeh’n cheer echey, as cheer Og ree Vashan, daa ree ny Amoriteyn, v’er cheu shoh dy Yordan, lesh irree ny greïney:

Deuteronomy 31:4

As nee’n Chiarn roosyn, myr ren eh rish Sihon, as rish Og, reeaghyn ny Amoriteyn, as rish y cheer ocsyn, ren eh stroie.

Joshua 2:10

Son ta shin er chlashtyn kys ren y Chiarn chyrmaghey seose ushtey yn Aarkey Jiarg er ny son euish, tra haink shiu magh ass cheer Egypt; as cre ren shiu rish daa ree ny Amoriteyn va er cheu elley dy Yordan, Sihon as Og, ren shiu stroie dy bollagh.

Psalmyn 80:10

Va ny croink er nyn goodaghey lesh y scaa echey: as va ny banganyn echey myr ny biljyn-cedar aalin.

Psalmyn 135:11

Sihon ree ny Amoriteyn, as Og ree Vasan: as ooilley reeriaghtyn Chanaan;