Joshua 24:10 - Yn Vible Casherick 1775 1819

¹⁰ Agh cha jinnin’s geaishtagh rish Balaam; shen-y-fa ren eh shiu dy kinjagh y vannaghey: myr shoh ren mee shiu y livrey ass e laue.

Joshua 24:10 Iomraidhean Croise

Isaiah 54:17

Greïe-caggee erbee ta troggit dt’oï, cha jig eh lesh; as dy chooilley hengey hroggys dt’oï ayns briwnys nee oo y gheyrey. Shoh eiraght shirveishee yn Chiarn; as ta’n ynrickys oc voym’s, ta’n Chiarn dy ghra.

Deuteronomy 23:5

Ny-yeih, cha jinnagh y Chiarn dty Yee geaishtagh rish Balaam: agh ren y Chiarn dty Yee chyndaa yn mollaght gys bannaght ort, son dy bynney lesh y Chiarn dty Yee oo.

Earrooyn 22:35

As dooyrt ainle y Chiarn rish Balaam, Immee marish ny deiney: agh shen ny-lomarcan, jir-ym rhyt, nee oo loayrt. Myr shen hie Balaam marish princeyn Valak.

Joshua 24:11

As hie shiu harrish Jordan, as haink shiu gys Jericho: as ren deiney Yericho caggey nyn ’oï, ny Amoriteyn, as ny Perizziteyn, as ny Canaaniteyn, as ny Hittiteyn, as ny Girgashiteyn, ny Hiviteyn, as ny Jebusiteyn; as ren mee ad y livrey gys nyn laue.

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.