Joshua 23:9 - Yn Vible Casherick 1775 1819

⁹ Son ta’n Chiarn er n’eebyrt magh reue ashoonyn mooar as lajer: agh er ny son euish, cha row dooinney erbee abyl shassoo reue gys y laa shoh.

Joshua 23:9 Iomraidhean Croise

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Deuteronomy 11:23

Nee’n Chiarn eisht geiyrt magh reue ooilley ny ashoonee shoh, as ver eh diuish son eiraght ashoonyn ny smoo, as ny s’niartal na shiu hene.

Joshua 23:5

As y Chiarn y Jee eu, eh-hene nee geiyrt ad magh kiongoyrt riu, as nyn imman ass y chilley eu; as gowee shiu yn cheer oc diu hene, myr ta’n Chiarn y Jee eu er yialdyn diu.

Exodus 23:30

Ny veggan as ny veggan neem’s ad y eebyrt magh royd, derrey vees oo er vishaghey, as er gheddyn cummal ’sy cheer.

Joshua 15:14

As deiyr Caleb veih shen three mec Anak, Sheshai, as Ahiman, as Talmai, cloan Anak.

Deuteronomy 7:24

As nee eh ny reeaghyn oc y livrey gys dty laue, as nee uss dolley nyn enmyn fo niau: cha jarg dooinney jeu shassoo royd, derrey t’ou er stroie ad.

Jannoo 7:45

As hug ny ayraghyn ain, haink ny yeï, lhieu stiagh eh marish Joshua, gys cheer ny Hashoonee, deiyr Jee magh veih fenish ny ayraghyn ain, gys laghyn Ghavid;

Exodus 23:23

Son hed m’ainle’s royd, as ver eh lesh oo stiagh gys cheer ny Amoriteyn, as ny Hittiteyn, as ny Perizziteyn, as ny Chanaaniteyn, as ny Hiviteyn, as ny Jebusiteyn; as nee’m ad y yiarey jeh.

Joshua 23:8

Agh freill-jee firrinagh gys y Chiarn y Jee eu myr ta shiu er n’yannoo gys y laa t’ayn jiu.

Joshua 24:18

As ren y Chiarn geiyrt magh roïn ooilley’n pobble, eer ny Amoriteyn cummaltee’n cheer: shen-y-fa nee mayd myrgeddin shirveish y Chiarn; son eshyn y Jee ain.

1 Reeaghyn 21:26

As ren eh gymmyrkey eh-hene feer dwoaiagh ayns geiyrt da jallooyn, cordail rish ooilley ny ren ny Amoriteyn, ad ren y Chiarn geiyrt magh kiongoyrt rish cloan Israel.

2 Recortyssyn 20:7

Nagh nee uss y Jee ainyn, deiyr magh cummaltee yn cheer shoh roish dty phobble Israel, as hug oo eh da sluight Abraham dty charrey, son dy bragh?