Joshua 23:5 - Yn Vible Casherick 1775 1819

⁵ As y Chiarn y Jee eu, eh-hene nee geiyrt ad magh kiongoyrt riu, as nyn imman ass y chilley eu; as gowee shiu yn cheer oc diu hene, myr ta’n Chiarn y Jee eu er yialdyn diu.

Joshua 23:5 Iomraidhean Croise

Joshua 13:6

Ooilley cummaltee ny sleityn, veih Lebanon gys Misrephoth-maim, as ooilley ny Sidonianee, adsyn nee’m geiyrt magh roish cloan Israel: as rheynn uss eh liorish lot mastey cloan Israel son eiraght, myr ta mee er dty harey.

Deuteronomy 11:23

Nee’n Chiarn eisht geiyrt magh reue ooilley ny ashoonee shoh, as ver eh diuish son eiraght ashoonyn ny smoo, as ny s’niartal na shiu hene.

Exodus 34:11

Cur tastey mie da shen ta mee nish dy dty harey: Cur-my-ner, ta mee gimman magh royd yn Amorite; as y Canaanite, as yn Hittite, as y Perizzite, as yn Hivite, as y Jebusite.

Exodus 33:2

As ver-ym ainle royd; as eiyr-ym magh yn Canaanite, yn Amorite, as yn Hittite, as y Perizzite, yn Hivite, as y Jebusite;

Exodus 23:20

Cur-my-ner, ta mee cur ainle royd, dy dty choadey er y raad, as dy leeideil oo gys yn ynnyd ta mee er chiarail er dty hon.

Briwnyn 2:21

Cha jean-yms myrgeddin maghey shoh geiyrt ersooyl voue veg jeh ny ashoonyn daag Joshua tra hooar eh baase;