Joshua 23:13 - Yn Vible Casherick 1775 1819

¹³ Toig-jee son firrinys nagh jean y Chiarn y Jee eu arragh gimman magh reue veg jeh ny ashoonyn shoh; agh bee ad myr ribbaghyn as geulaghyn diu, as son drineyn, ayns nyn lhiatteeyn, as jilg ayns nyn sooillyn, derrey hed shiu naardey ass y cheer mie shoh, ta’n Chiarn nyn Yee er choyrt diu.

Joshua 23:13 Iomraidhean Croise

Deuteronomy 7:16

As nee oo stroie ooilley ny ashoonyn, nee’n Chiarn dty Yee y livrey hood: cha bee chymmey ec dty hooill orroo: chamoo nee oo shirveish ny jeeghyn oc; son bee shen ny ribbeh dhyt.

Earrooyn 33:55

Agh mannagh n’eiyr shiu magh cummaltee yn cheer veih kiongoyrt riu; eisht hig eh gy-kione, dy bee adsyn aagys shiu er-mayrn, son gah ayns nyn sooillyn, as jilg ayns nyn lhiattee, as ver ad sneih erriu, ’sy cheer raad nee shiu cummal.

Exodus 23:33

Cha lhig oo daue cummal ayns dty heer, er-aggle dy dayrn ad oo gys peccah m’oï: son my nee oo shirveish ny jeeghyn ocsyn, bee eh, son shickyrys, ribbeh dhyt.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Psalmyn 69:22

Hug ad dou gall dy ee: as tra va mee paagh, hug ad dou vinegar dy iu.

2 Timothy 2:26

As dy vod ad feaysley ad-hene ass ribbey yn drogh-spyrryd, ta goit nyn gappee liorishyn ec e aigney.

2 Reeaghyn 25:26

As dirree ooilley yn pobble, chammah beg as mooar, as captanyn ny sheshaghtyn-caggee, as haink ad gys Egypt, son v’ad ayns aggle roish ny Caldeeyn.

Deuteronomy 30:18

Ta mee fockley magh diu yn laa jiu, dy jed shiu son shickyrys naardey, as nagh bee ny laghyn eu beayn ’sy cheer, huggey ta shiu goll harrish Jordan, dy ve dty eiraght.

Deuteronomy 29:28

As dastyr y Chiarn ad ass y cheer oc ayns e arg, as ayns e chorree, as ayns e yymmoose vooar, as hilg eh magh ad gys cheer elley, myr s’erree daue jiu.

Deuteronomy 4:26

Ta mee geamagh er niau as thalloo son feanish nyn ’oï yn laa jiu, dy jed shiu dy leah, as dy bollagh naardey veih’n cheer, raad ta shiu goll harrish Jordan, dy ghoaill possession jeh: cha bee nyn laghyn foddey beayn ayn, agh bee shiu dy bollagh er nyn stroie.

2 Reeaghyn 25:21

As woaill ree Vabylon ad, as varr eh ad ec Riblah, ayns cheer Hamath. Shoh myr va Judah er nyn goyrt lhieu ass y cheer oc hene.

1 Reeaghyn 11:4

Son haink eh gy-kione, tra va Solomon shenn, dy violee e vraane eh dy eiyrt er jeeghyn elley: as cha row e chree ynrick gys y Chiarn e Yee, myr va cree Ghavid e ayr.

Exodus 10:7

As dooyrt fir-oik Pharaoh rish, Caïd vees y dooinney shoh ny ribbeh dooin? lhig y raad da ny deiney, dy vod ad shirveish y Chiarn y Jee oc; nagh vel fys ayd foast, dy vel Egypt mow?

Exodus 34:12

Bee er dty hwoaie, nagh jean oo conaant rish cummaltee’n cheer raad t’ou goll, er-aggle dy bee eh ribbeh dy hayrn peccah ort.

Exodus 34:16

As dy gow uss ny inneenyn ocsyn da ny mec ayd, as dy jed ny inneenyn ocsyn er-shaghryn lurg ny jeeghyn oc hene, as dy der ad er dty vec goll er-shaghryn lurg ny jeeghyn ocsyn.

Ezekiel 28:24

As cha bee ny-sodjey ayn yn dress yialgagh da thie Israel, ny drine geuagh jeusyn ooilley ta mygeayrt-y-moo, ren soiaghey beg jeu; as bee fys oc dy nee mish y Chiarn Jee.

Briwnyn 2:21

Cha jean-yms myrgeddin maghey shoh geiyrt ersooyl voue veg jeh ny ashoonyn daag Joshua tra hooar eh baase;

2 Reeaghyn 17:18

Shen-y-fa va’n Chiarn feer chorree rish Israel, as scugh eh ad ass e hilley: cha row faagit agh tribe Yudah ny-lomarcan.

2 Reeaghyn 17:20

As ren y Chiarn tilgey jeh sluight Israel, as hug eh seaghyn nyn raad, as livrey eh ad gys laueyn ny spooilleyderyn, derrey v’eh dy bollagh er scughey ad ass e hilley.