Joshua 22:33 - Yn Vible Casherick 1775 1819

³³ As ghow cloan Israel lane boggey jeh’n chooish; as ren cloan Israel Jee y vannaghey; as cha row smooinaghtyn sodjey oc dy gholl seose gys caggey nyn ’oï, dy stroie’n cheer ayn va cloan Reuben as Gad cummal.

Joshua 22:33 Iomraidhean Croise

Noo Luke 2:28

Eisht ghow eh seose eh ayns e roihaghyn, as hug eh moylley da Jee, as dooyrt eh,

Daniel 2:19

Eisht va’n folliaght er ny hoilshaghey da Daniel ayns ashlish ’syn oie: eisht vannee Daniel Jee ny flaunys.

1 Recortyssyn 29:20

As dooyrt David rish ooilley’n cheshaght, Nish bannee-jee’n Chiarn nyn Yee. As ren y slane sheshaght yn Chiarn Jee nyn ayraghyn y vannaghey, as chroym ad sheese nyn ghing, as hug ad ooashley da’n Chiarn, as y ree.

Joshua 22:30

As tra cheayll Phinehas y saggyrt, as princeyn y cheshaght, as ard-gheiney thousaneyn Israel va mârish, ny goan va cloan Reuben, as cloan Ghad, as cloan Vanasseh, er loayrt, ghow ad lane boggey jeu.

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:

2 Corinthianee 7:7

As cha nee ynrycan liorish y cheet echeysyn, agh liorish y gherjagh hooar eh ayndiu, tra dinsh eh dooin yn yeearree jeean eu, yn dobberan eu, yn aigney graihagh eu hym’s; myr shen dy row my voggey ny smoo.

Jannoo 15:31

As lhaih ad ee lesh boggey as gerjagh mooar.

Jannoo 15:12

Eisht va ooilley yn cheshaght nyn dhost, as deaisht ad rish Barnabas as Paul, soilshaghey cre ny mirrilyn as ny yindyssyn va Jee er n’obbraghey mastey ny Ashoonee lioroosyn.

Joshua 22:32

As hie Phinehas mac Eleazar y saggyrt, as ny princeyn, roue, veih cloan Reuben, as veih cloan Ghad, as thalloo Ghilead, gys cheer Chanaan, lesh fys gys cloan Israel.

Raaghyn Creeney 25:25

Myr ushtey feayr da dooinney paagh; myr shen ta naight mie veih cheer foddey.