Joshua 2:19 - Yn Vible Casherick 1775 1819

¹⁹ As hig eh gy-kione, quoi-erbee hed magh er dorryssyn dty hie gys y traid, dy bee yn uill echey er y chione hene, as bee shinyn neu-chyndagh: as quoi-erbee vees mayrt’s ayns y thie, bee yn uill echeysyn er y chione ain, my ver dooinney erbee laue er.

Joshua 2:19 Iomraidhean Croise

Jannoo 27:31

Dooyrt Paul rish y centurion, as rish ny sidooryn, Mannagh vuirree ad shoh ayns y lhong, cha vod shiu ve sauchey.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu-chyndagh: veih shoh magh hem roym gys ny Ashoonee.

Exodus 12:23

Son hed y Chiarn trooid dy woalley ny Egyptianee; as tra hee eh yn uill er yn ard-dorrys, as er y daa essyn, nee’n Chiarn goll shaghey yn dorrys shen, as cha jean eh surranse yn stroider dy heet stiagh ayns ny thieyn euish, dy nyn mwoalley.

Exodus 12:13

As bee’n uill diuish son cowrey er ny thieyn raad ta shiu: as tra hee-yms yn uill, hem shaghey, as cha bee’n chramp erriuish dy stroie shiu, tra nee’m bwoalley cheer Egypt.

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo-chosh Mac Yee, as ta er choontey fuill yn chonaant liorish v’eh er ny chasherickey, ny red neu-chasherick, as er hassoo magh dy olkyssagh noi’n Spyrryd dy ghrayse?

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Jannoo 20:26

Shen-y-fa ta mee goaill feanish erriu er y laa t’ayn jiu, dy vel mee glen veih fuill dy chooilley ghooinney:

Noo Mian 24:17

Eshyn t’er mullagh y thie, ny lhig da cheet neose dy ghoaill mârish nhee erbee ass e hie:

1 Reeaghyn 2:32

As nee’n Chiarn chyndaa yn uill echey er e chione hene, ren tuittym er daa ghooinney ny s’ynrick as ny share na eh-hene, as varr eh ad lesh y chliwe, gyn-yss da my ayr David, ta shen dy ghra, Abner mac Ner, captan sheshaght-caggee Israel, as Amasa mac Jether, captan sheshaght-caggee Yudah.

2 Samuel 4:11

Cre-woad smoo, tra ta drogh gheiney er varroo dooinney gyn-loght ayns e hie hene, er e lhiabbee? nagh goyms er-y-fa shen nish cooilleeney erriuish son yn uill echey, as shiuish y yiarey jeh veih’n thalloo?

2 Samuel 1:16

As dooyrt David rish, Dty uill dy row er dty chione hene: son ta dty veeal er n’ymmyrkey feanish dt’oï, gra, Ta mee er varroo fer-ooilit y Chiarn.

Joshua 2:14

As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Leviticus 20:11

As y dooinney ta lhie marish ben e ayrey t’eh er roostey nearey e ayrey: bee ad nyn-neesht er nyn goyrt gy-baase: orroo hene vees yn uill oc.

Leviticus 20:9

Quoi-erbee ta gwee mollaght da e ayr, ny e voir, bee eh er ny choyrt gy-baase; er hene vees yn uill echey.

Joshua 2:12

Nish er-y-fa shen, ta mee guee erriu, loo-jee dou liorish y Chiarn, fakin dy vel mish er yeeaghyn kenjallys diuish, dy jean shiuish myrgeddin kenjallys y yeeaghyn da thie my ayrey; as cur-jee cowrey shickyr dou:

Joshua 2:20

As my nee uss shoh nyn gooish y vrah, eisht vees shinyn feayshlit veih’n loo hug oo orrin y ghoaill.

Exodus 12:22

As nee shiu goaill dhoss dy hyssop, as y hummey eh ’syn uill t’ayns y taagh, as nee shiu spreih yn ard-dorrys, as y daa essyn lesh yn uill t’ayns y taagh: as cha jed unnane eu magh er dorrys e hie derrey’n voghrey.