Joshua 18:21 - Yn Vible Casherick 1775 1819

²¹ Nish ard-valjyn tribe cloan Venjamin, cordail rish ny kynneeyn oc, va Jericho, as Beth-hoglah, as coan Keziz,

Joshua 18:21 Iomraidhean Croise

Joshua 18:12

As va’n chagliagh oc er y twoaie veih Jordan, as hie eh seose rish lhiattee Yericho er cheu-twoaie, as seose trooid ny sleityn lesh y sheear; as va’n kione echey ec faasagh Veth-aven.

Noo Luke 19:1

As hie Yeesey stiagh, as jimmee eh trooid Jericho.

Noo Luke 10:30

As dreggyr Yeesey, gra, Hie dooinney dy row sheese veih Jerusalem gys Jericho, as huitt eh mastey maarlee, rooisht eh jeh e choamrey, as lhott ad eh, as hie ad rhymboo, erreish daue v’er vaagail eh lieh-varroo.

Joshua 18:19

As hie’n chagliagh trooid gys lhiattee Veth-hoglah my-hwoaie: as va kione y chagliagh ec baïe twoaie yn cheayn sailjey, ec kione jiass Yordan: shoh va’n chagliagh jiass.

Joshua 15:6

As va’n chagliagh roie seose gys Beth-hogla, as hie eh veih shen rish cheu-twoaie Beth-arabah; as roie’n chagliagh seose gys clagh-hoit Vohan mac Reuben:

Joshua 6:1

Nish va Jericho dy chion jeight seose, er-aggle roish cloan Israel: cha jagh unnane magh, as cha daink unnane stiagh.

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Joshua 18:20

As va Jordan yn cagliagh er y cheu har. Shoh va eiraght cloan Venjamin, cordail rish ny cagleeyn ooilley mygeayrt, rere nyn gynneeyn.

Joshua 18:22

As Beth-arabah, as Zemaraim, as Beth-el,

1 Reeaghyn 3:4

As hie yn ree gys Gibeon dy hebbal oural ayns shen; son shen va’n ard-ynnyd mooar: thousane dy ourallyn-losht heb Solomon er yn altar shen.

Ezekiel 48:23

Agh son ny tribeyn elley; veih yn lhiattee-har gys y lhiattee-heear, vees cronney Venjamin.

Briwnyn 1:16

As hie cloan yn Kenite, ayr-’sy-leigh Voses, seose ass ard-valley ny biljyn-palm, marish cloan Yudah, gys faasagh Yudah, ta er cheu-jiass Arad: as hie ad as chum ad mastey’n pobble.