Joshua 18:13 - Yn Vible Casherick 1775 1819

¹³ As roie’n chagliagh harrish veih shen lesh Luz, rish lhiattee Luz, (ta Beth-el,) my-yiass; as hie’n chagliagh sheese gys Ataroth-adar, er-gerrey da’n chronk ta lhie er cheu-jiass yn Veth-horon heese.

Joshua 18:13 Iomraidhean Croise

Genesis 28:19

As denmys eh yn ynnyd shen Beth-el: agh va’n ard-valley shen enmyssit Luz ec y toshiaght.

Joshua 21:22

As Kibzaim as e gleebyn, as Beth-horon lesh e gleebyn; kiare ard-valjyn.

Joshua 16:5

As shoh myr va cagliagh cloan Ephraim, cordail rish ny kynneeyn oc; cagliagh nyn eiraght er y cheu har va Ataroth-addar, gys Beth-horon heose:

Joshua 10:11

As haink eh gy-kione, myr v’ad chea roish Israel, as goll sheese lesh Beth-horon, dy ren y Chiarn claghyn mooarey y hilgey neose orroo veih niau derrey Azekah, as varr eh ad: va ny smoo stroit lesh ny claghyn-sniaghtee ny va lesh cliwe cloan Israel.

Joshua 18:14

As va’n chagliagh tayrnit veih shen, goaill combaase lesh y sheear-ass gys y cheayn, veih’n chronk ta lhie jeeragh er Beth-horon my-yiass; as va’n kione echey ec Kirjath-baal, (ta shen Kirjath-jearim,) ard-valley cloan Yudah: shoh va’n lhiattee heear.

1 Samuel 13:18

As ghow sheshaght elley yn raad gys Beth-horon: as sheshaght elley raad ny ardjyn lesh coan Zeboim gys yn aasagh.

Joshua 18:22

As Beth-arabah, as Zemaraim, as Beth-el,

Nehemiah 11:31

Ren cloan Venjamin myrgeddin veih Geba, cummal ec Michmash, Aija, as Beth-el, as ayns nyn maljyn,