Joshua 15:19 - Yn Vible Casherick 1775 1819

¹⁹ As dreggyr ish, Cur dou dty vannaght; myr t’ou er choyrt dou thalloo chirrym, cur dou myrgeddin thalloo farraneagh. As hug eh jee ny farraneyn heose as heese.

Joshua 15:19 Iomraidhean Croise

2 Corinthianee 9:5

Er shoh yeeagh mee er dy ve ymmyrchagh dy choyrlaghey ny braaraghyn, dy gholl hiu ro-laue, as ny toyrtyssyn eu y chur cooidjagh, jeh shoh va raaue eu roïe, dy voddagh yn chooid cheddin ve aarloo, myr toyrtys aggindagh, as cha nee myr êginit.

1 Samuel 25:27

As nish yn cowrey shoh ta dty harvaant er chur lh’ee gys my hiarn, lhig da v’er ny rheynn er ny deiney aegey ta marish my hiarn.

Deuteronomy 33:7

As shoh bannaght Yudah: as dooyrt eh, Clasht, Hiarn, rish coraa Yudah, as cur lhiat eh gys e phobble hene; lhig da e laueyn eh y niartaghey, as bee uss e er-coonee, noi e noidyn.

Genesis 33:11

Gow, ta mee guee ort, my vannaght, ta mee er choyrt lhiam hood; er-yn-oyr dy vel Jee er ghellal dy graysoil rhym: as er-y-fa dy vel dy liooar aym pene; as hionn eh er, as ren eh goaill eh.

Genesis 12:9

As ghow Abram e yurnah, goll er e hoshiaght my-yiass.

Joshua 15:18

As haink eh gy-kione, tra v’eh dy choyrt lesh ee thie, dy ren ee coyrlaghey eh dy hirrey magher er yn ayr eck: as harlheim ee veih e assyl; as dooyrt Caleb ree, Cre ta dty yeearree?

Joshua 15:20

Shoh eiraght tribe cloan Yudah rere ny kynneeyn oc.