Joshua 14:2 - Yn Vible Casherick 1775 1819

² Liorish lottyn va nyn eiraght, myr ren y Chiarn sarey liorish Moses, da ny nuy tribeyn, as son y tribe dy lieh.

Joshua 14:2 Iomraidhean Croise

Earrooyn 34:13

As hug Moses sarey da cloan Israel, gra, Shoh yn cheer nee shiu y ghoaill son eiraght liorish lot, doardee’n Chiarn dy ve er ny choyrt da ny nuy tribeyn, as da’n lieh-tribe.

Earrooyn 33:54

As nee shiu yn cheer y rheynn liorish lot, son eiraght mastey ny kynneeyn eu, as da mooarane ver shiu ny smoo dy eiraght, as da’n veggan, ver shiu ny sloo: bee eiraght dagh dooinney raad ta e chronney tuittym: cordail rish tribeyn nyn ayraghyn, vees nyn eiraght.

Raaghyn Creeney 16:33

Ta ny lottyn ceaut ayns yn ught: agh ta’n slane reill oc veih’n Chiarn.

Noo Mian 25:34

Eisht jir y ree roosyn er e laue yesh, Tar-jee chloan vannit my Ayrey, gow-jee eiraght ’sy reeriaght ta kiarit diu er-dy hoshiaght y theihll.

Raaghyn Creeney 18:18

Ta lottyn coyrt streeughyn gy-kione, as reaghey boiraghyn eddyr deiney niartal.

Jannoo 1:26

As hug ad magh nyn lottyn; as huitt y lot er Matthias, as v’eh er ny earroo marish yn un ostyl yeig.

Earrooyn 34:17

Shoh enmyn ny deiney nee rheynn y thalloo erriu: Eleazar y saggyrt, as Joshua mac Nun.

Joshua 18:6

Nee shiu er-y-fa shen soiaghey magh y cheer ayns shiaght ayrnyn, as ver shiu roym’s yn rheynn ta shiu er n’yannoo, dy voddym lottyn y hilgey er nyn son ayns shoh kiongoyrt rish y Chiarn nyn Yee.

Earrooyn 26:52

As loayr y Chiarn rish Moses, gra,

Joshua 13:7

Nee oo eisht rheynn y cheer shoh son eiraght er ny nuy tribeyn, as lieh-tribe Vanasseh.

Joshua 18:10

As cheau Joshua lottyn er nyn son ayns Shiloh kiongoyrt rish y Chiarn: as ayns shen rheynn Joshua yn cheer er cloan Israel, myr ve er ny hoiaghey magh.

Ezekiel 45:1

Marish shoh, tra nee shiu rheynn myr cronney yn thalloo son eiraght, nee shiu soiaghey magh da’n Chiarn ayrn casherick jeh’n thalloo: bee’n lhiurid echey queig as feed thousane cubit, as bee’n lheead jeih thousaneyn: bee shoh casherick ayns ooilley ny ardjyn echey slane mygeayrt.