Joshua 14:1 - Yn Vible Casherick 1775 1819

¹ As shoh ny cheeraghyn va son eiraght da cloan Israel ayns cheer Chanaan, ren Eleazar y saggyrt, as Joshua mac Nun, as ard-gheiney tribeyn cloan Israel, rheynn orroo son eiraght.

Joshua 14:1 Iomraidhean Croise

Jannoo 13:19

As tra v’eh er stroie shiaght ashoonyn ayns cheer Chanaan, rheynn eh yn thalloo oc orroo liorish cron.

Earrooyn 34:13

As hug Moses sarey da cloan Israel, gra, Shoh yn cheer nee shiu y ghoaill son eiraght liorish lot, doardee’n Chiarn dy ve er ny choyrt da ny nuy tribeyn, as da’n lieh-tribe.

Earrooyn 34:16

As loayr y Chiarn rish Moses, gra,

Deuteronomy 12:10

Agh tra hed shiu harrish Jordan, as cummal ’sy cheer ta’n Chiarn nyn Yee dy choyrt diu son eiraght, as tra ver eh fea diu veih ooilley nyn noidyn er dy chooilley heu: myr shen dy bee shiu cummal ayns sauchys:

Joshua 13:6

Ooilley cummaltee ny sleityn, veih Lebanon gys Misrephoth-maim, as ooilley ny Sidonianee, adsyn nee’m geiyrt magh roish cloan Israel: as rheynn uss eh liorish lot mastey cloan Israel son eiraght, myr ta mee er dty harey.

Joshua 19:51

Shoh ny eiraghtyn ren Eleazar y saggyrt, as Joshua mac Nun, as ard-reiltee tribeyn cloan Israel, y rheynn liorish lottyn son eiraght ayns Shiloh kiongoyrt rish y Chiarn, ec dorrys y chabbane-agglish: as shoh myr rheynn ad y cheer.

Joshua 21:1

Eisht haink er-gerrey ard-gheiney ayraghyn ny Leviteyn gys Eleazar y saggyrt, as gys Joshua mac Nun, as gys ny shenn-ayryn leeideilee tribeyn Israel;

Ezra 7:5

Mac Abishua, mac Phinehas, mac Eleazar, mac Aaron yn ard-saggyrt.

Ezekiel 45:1

Marish shoh, tra nee shiu rheynn myr cronney yn thalloo son eiraght, nee shiu soiaghey magh da’n Chiarn ayrn casherick jeh’n thalloo: bee’n lhiurid echey queig as feed thousane cubit, as bee’n lheead jeih thousaneyn: bee shoh casherick ayns ooilley ny ardjyn echey slane mygeayrt.