Joshua 13:30 - Yn Vible Casherick 1775 1819

³⁰ As va’n ayrn ocsyn veih Mahanaim, ooilley Bashan, ooilley reeriaght Og ree Vashan, as ooilley baljyn Jair, t’ayns Bashan, three-feed balley;

Joshua 13:30 Iomraidhean Croise

Joshua 13:26

As veih Heshbon gys Ramath-mizpeh, as Betonim; as veih Mahanaim gys slyst Debir;

Earrooyn 21:33

As hyndaa ad, as hie ad seose raad Vashan; as hie Og ree Vashan magh nyn ’oï, eh hene, as ooilley e phobble, gys y chaggey ec Edrei.

Joshua 13:29

As hug Moses eiraght da lieh-tribe Vanasseh: as shoh va eiraght lieh-tribe Vanasseh lurg ny kynneeyn oc:

Joshua 17:6

Er-yn-oyr dy row eiraght ec inneenyn Vanasseh mastey ny mec echey: as va cheer Ghilead ec y chooid elley jeh mec Vanasseh.

Genesis 32:3

As hug Jacob chaghteryn roish gys Esau e vraar, gys thalloo Seir, cheer Edom.

Deuteronomy 3:4

As ghow shin ooilley e ard-valjyn ec y traa shen, cha row ard-valley nagh ghow shin voue, three-feed ard-valley, ooilley cheer Argob, reeriaght Og ayns Bashan.

Deuteronomy 3:10

Ooilley ard-valjyn yn cheer-rea, as ooilley Gilead, as ooilley Bashan, gys Salchah as Edrei, ard-valjyn reeriaght Og ayns Bashan:

Joshua 21:38

As veih tribe Ghad, Ramoth ayns Gilead lesh e gleebyn, dy ve ard-valley dy hauchys da’n marrooder; as Mahanaim lesh e gleebyn,