Joshua 13:3 - Yn Vible Casherick 1775 1819

³ Veih Sihor, ta liorish Egypt, choud’s ardjyn Ekron my-hwoaie, ta lesh ny Canaaniteyn: queig chiarnyn jeh ny Philistinee; ny Gazathiteyn, as ny Ashdothiteyn, ny Eshkaloniteyn, ny Gittiteyn, as ny Ekroniteyn; myrgeddin ny Aviteyn:

Joshua 13:3 Iomraidhean Croise

Jeremiah 2:18

As nish, cre t’ayd’s dy yannoo rish raad Egypt, dy iu ushtaghyn Sihor? ny cre t’ayd’s dy yannoo rish raad Assyria, dy iu ushtaghyn yn awin?

Briwnyn 3:3

Ta shen, queig chiarnyn jeh ny Philistinee, as ooilley ny Canaaniteyn, as ny Sidonianee, as ny Hiviteyn va cummal ayns slieau Lebanon, veih slieau Baal-hermon derrey hig oo gys Hamath.

Deuteronomy 2:23

As ny Avimee va cummal ayns Hazerim, eer gys Azzah, ren ny Caphtorim haink veih Caphtor stroie, as chum ad’syn ynnyd oc)

1 Samuel 6:4

Eisht dooyrt ad, Cre vees yn oural-loght ver mayd da? Dreggyr ad, Queig pileyn airhey, as queig loaghee airhey, cordail rish earroo chiarnyn ny Philistinee: son va’n un cherraghey erriu ooilley, as er ny chiarnyn eu.

Joshua 13:13

Ny-yeih cha row cloan Israel er n’eiyrt magh ny Geshuriteyn, as ny Maachathiteyn: agh ta ny Geshuriteyn, as ny Maachathiteyn cummal mastey ny Israeliteyn gys y laa t’ayn jiu.

Genesis 10:6

As mec Ham; Cush, as Mizraim, as Phut, as Canaan.

Briwnyn 16:5

As haink chiarnyn ny Philistinee seose, as dooyrt ad r’ee, Miolee eh, as fow magh c’raad ta’n troshid vooar echey lhie, as kys yiow mayd yn varriaght er, dy chiangley as dy veeinaghey eh: as ver mayd dhyt’s, dagh unnane ain, un cheead jeig peesh dy argid.

1 Samuel 5:1

As ghow ny Philistinee arg Yee, as hug ad lhieu eh veih Eben-ezer gys Ashdod.

1 Reeaghyn 8:65

As ec y traa shen dreill Solomon feailley, as ooilley Israel mârish, chaglym mooar dy leih, veih’n goll stiagh ec Hamath gys awin Egypt, kiongoyrt rish y Chiarn yn Jee ain, shiaght laa as shiaght laa, dy jarroo kiare laghyn jeig.

Isaiah 23:3

As liorish ny ushtaghyn mooarey ta rass Sihor, fouyr yn awin, yn cheet-stiagh eck; as t’eeish ard-vargey ny ashoonyn.

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

1 Samuel 5:8

Hug ad er-y-fa shen fys, as haggil ad ooilley chiarnyn ny Philistinee huc, as dooyrt ad, Cree nee mayd lesh arg Yee Israel? As dreggyr ad, Lhig da arg Yee Israel ve er ny choyrt lesh mygeayrt gys Gath. As hug ad lhieu arg Yee Israel mygeayrt gys shen.

1 Samuel 5:10

Shen-y-fa hug ad arg Yee gys Ekron. As haink eh gy-kione, myr haink arg Yee gys Ekron, dy deïe ny Ekroniteyn magh, gra, T’ad er chur lhieu mygeayrt arg Yee Israel hooinyn, dy stroie shin as y pobble ain.

1 Recortyssyn 13:5

Myr shen haggil David ooilley Israel cooidjagh veih Shihor jeh Egypt, eer gys slystyn Hemath, dy chur lhieu arg Yee veih Kirjath-jearim.