Joshua 13:25 - Yn Vible Casherick 1775 1819

²⁵ As va’n ayrn ocsyn Jazer, as ooilley baljyn Ghilead, as y derrey lieh jeh cheer cloan Ammon, gys Aroer ta liorish Rabbah;

Joshua 13:25 Iomraidhean Croise

2 Samuel 12:26

As va Joab caggey noi Rabbah va jeh cloan Ammon, as ghow eh yn ard-valley reeoil.

2 Samuel 11:1

As haink eh gy-kione ec toshiaght ny bleeaney, yn imbagh ta reeaghyn cliaghtey dy gholl magh dy chaggey, dy dug David magh Joab as e gheiney mârish, as ooilley deiney reiht Israel; as stroie ad cloan Ammon, as chruinnee ad stiagh Rabbah. Agh duirree David ec Jerusalem.

Deuteronomy 3:11

Son cha row agh Og ree Vashan er-mayrn jeh sluight ny foawir; cur-my-ner, va e sthoc-lhiabbagh, sthoc-lhiabbagh yiarn: nagh vel eh ayns Rabbath jeh cloan Ammon? va’n lhiurid echey nuy cubityn, as e lheead kiare cubityn, lurg cubit dooinney.

Earrooyn 32:35

As Atroth, Shophan, as Jaazer as Jogbehah,

Amos 1:14

As neem’s foaddey aile er voalley Rabbah, as nee eh stroie ny plaaseyn echey; lesh yllaghey er laa yn chaggey, lesh dorrin er laa yn gheay-chassee:

Ezekiel 21:20

Jean magh raad, dy vod y cliwe cheet gys Rabbath jeh ny Ammoniteyn, as gys Judah t’ayns Jerusalem yn ard-valley voallit.

Joshua 21:39

Heshbon, as Jazer, lesh nyn ghleebyn; kiare ard-valjyn.

Deuteronomy 2:19

As tra hayrnys oo er-gerrey da cloan Ammon, ny jean caggey roo, ny cur eïe orroo: son cha der-yms dhyt’s veg yn eiraght ayns thalloo cloan Ammon, er-yn-oyr dy vel mee er choyrt eh son eiraght da cloan Lot.

Earrooyn 21:32

As hug Moses magh brialtee gys Jaazer, as ghow ad ny baljyn echey, as deiyr ad magh ny Amoriteyn v’ayndoo.

Joshua 13:11

As Gilead, as ardjyn ny Geshuriteyn, as Maachathiteyn, as slane cronk Hermon, as ooilley Bashan gys Salcah;

Joshua 13:24

As hug Moses eiraght da tribe Ghad, as nyn gloan, cordail rish nyn gynneeyn:

Joshua 13:26

As veih Heshbon gys Ramath-mizpeh, as Betonim; as veih Mahanaim gys slyst Debir;

2 Samuel 24:5

As hie ad harrish Jordan, as ren ad campal ayns Aroer, er cheu yesh yn ard-valley, ta lhie ’sy choan liorish awin Ghad, as er-gerrey da Jazer.

1 Recortyssyn 6:81

As Heshbon, marish e gleebyn; as Jazer, marish e gleebyn.

1 Recortyssyn 26:31

Mastey ny Hebroniteyn, eer ny Hebroniteyn hene, va Jerijah yn ard-er, rere kynneeyn e ayraghyn. Ayns y da-eedoo vleïn jeh reill Ghavid, va coontey er ny ghoaill jeu, as va ry-gheddyn nyn mast’ deiney dunnal as niartal, ec Jazer Ghilead.

Isaiah 16:8

Ta magheryn Heshbon shymley, as billey-feeyney Sibmah: ta chiarnyn ny ashoonee er vrishey e reih biljyn-feeyney; t’ad er roshtyn gys Jazer, t’ad er skeayley trooid yn aasagh; ta ny banglaneyn eck sheeynt magh, t’ad er n’gholl harrish yn aarkey.

Jeremiah 48:32

O villey-feeyney Sibmah, keayn-yms er dty hon lesh keayney Yazer: ta dty phlantyn er n’gholl harrish y cheayn, t’ad roshtyn gys eer faarkey Yazer; ta’n roosteyr er duittym er dty vessyn-souree, as er dty vessyn-feeyney.

Briwnyn 5:17

Duirree Gilead cheu elley dy Yordan: as cre’n-fa va Dan cur rish e lhuingys? duirree Asher rish oirr ny marrey, as v’eh ny haaue ayns ny purtyn.

Isaiah 17:2

Ta ard-valjyn Aroer treigit; bee ad cour shioltaneyn dy lhie sheese ayn, as cha jean unnane ad y agglagh.