Joshua 12:6 - Yn Vible Casherick 1775 1819

⁶ Ad shoh ren Moses sharvaant y Chiarn as cloan Israel y woalley: as hug Moses sharvaant y Chiarn shoh son eiraght da ny Reubeniteyn, as ny Gaditeyn, as lieh-tribe Vanasseh.

Joshua 12:6 Iomraidhean Croise

Earrooyn 32:33

As hug Moses daue, ta shen dy ghra, da cloan Ghad, as da cloan Reuben, as da lieh-tribe Vanasseh mac Yoseph, reeriaght Sihon ree ny Amoriteyn, as reeriaght Og ree Vashan, yn cheer lesh e ard-valjyn, ayns ny ardjyn, eer ard-valjyn y cheer ooilley mygeayrt.

Earrooyn 32:29

As dooyrt Moses roo, My hed cloan Ghad, as cloan Reuben mêriu harrish Jordan, dy chooilley ghooinney ayns e choamrey-caggee roish y Chiarn, as dy bee’n cheer er ny ghoaill kiongoyrt riu; eisht ver shiu daue thalloo Ghilead son eiraght:

Earrooyn 32:32

Hem mayd harrish eïllit roish y Chiarn gys cheer Chanaan, dy vod cummal yn eiraght ain ve er y cheu shoh dy Yordan.

Joshua 14:3

Son va Moses er choyrt eiraght da daa hribe as lieh-tribe cheu elley dy Yordan: agh da ny Leviteyn cha dug eh veg yn eiraght ny mast’ oc.

Joshua 18:7

Agh cha vel ayrn ec ny Leviteyn nyn mastey; son ta saggyrtys y Chiarn yn eiraght ocsyn: as ta Gad as Reuben, as lieh-tribe Vanasseh, er gheddyn nyn eiraght shiar veih Jordan, shen hug Moses sharvaant y Chiarn daue.

Joshua 22:4

As nish ta’n Chiarn nyn Yee er choyrt fea da nyn mraaraghyn, myr yiall eh daue: shen-y-fa nish, chyndaa-jee as immee-jee gys nyn gummallyn hene, as gys cheer nyn eiraght, hug Moses sharvaant y Chiarn diu er y cheu elley dy Yordan.

1 Reeaghyn 4:19

Va Geber mac Uri ayns cheer Ghilead, ayns cheer Sihon ree ny Amoriteyn, as Og ree Vashan; as eh va’n ynrycan fir-oik va ’sy cheer.