Joshua 12:5 - Yn Vible Casherick 1775 1819

⁵ As va reill ayns cronk Hermon, as ayns Salcah, as ayns ooilley Bashan, gys cagliagh ny Geshuriteyn, as ny Maachathiteyn, as lieh Ghilead, ardjyn Sihon ree Heshbon.

Joshua 12:5 Iomraidhean Croise

2 Samuel 13:37

Agh chossyn Absalom roish, as hie eh gys Talmai, mac Ammihud, ree Yeshur. As va David ayns trimshey son e vac dy chooilley laa.

2 Samuel 15:8

Son ren dty harvaant breearrey ’yannoo tra va mee ec Geshur ayns Syria, gra, My ver y Chiarn lesh mee reesht eer gys Jerusalem, eisht neem’s shirveish y Chiarn.

2 Samuel 23:34

Eliphelet mac Ahasbai, mac yn Maachathite; Eliam mac Ahitophel yn Gilonite,

2 Samuel 3:3

As yn nah er Chileab, rish Abigail va ben Nabal yn Carmelite; as yn trass Absalom, mac Maacah inneen Talmai ree Yeshur:

2 Reeaghyn 25:23

As tra va ooilley captanyn ny sheshaghtyn-caggee, as ny deiney oc er chlashtyn dy row ree Vabylon er n’yannoo Gedaliah yn kiannoort, haink Ishmael mac Nethaniah, Johanan mac Chareah, as Seraiah mac Tanhumeth yn Netophathite, as Jaazaniah mac Maachathite, adsyn as ny deiney oc, gys Gedaliah ec Mizpah.

1 Recortyssyn 5:11

As ren cloan Ghad cummal harrish nyn ’oï, ayns cheer Vashan, gys Salcah:

Jeremiah 40:8

Eisht haink ad gys Gedaliah gys Mizpah, eer Ishmael mac Nethaniah, as Johanan as Jonathan mec Chareah, as Seraiah mac Tanhumeth, as mec Ephai yn Netophathite, as Jezaniah mac dy Vaachathite, adsyn as nyn gheiney

Deuteronomy 3:14

Ghow Jair mac Vanasseh ooilley cheer Argob, choud’s ardjyn Geshuri, as Maachathi, as denmys eh ad lurg e ennym hene, Bashan-havoth-jair, gys y laa jiu.

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Joshua 12:1

Nish ad shoh reeaghyn ny cheerey, orroo hooar cloan Israel y varriaght, as nyn dhalloo ren ad y ghoaill er cheu elley dy Yordan, lesh irree ny greïney; veih awin Arnon gys cronk Hermon, as ooilley’n strah cheu-har.

Joshua 13:11

As Gilead, as ardjyn ny Geshuriteyn, as Maachathiteyn, as slane cronk Hermon, as ooilley Bashan gys Salcah;

1 Samuel 27:8

As hie David as e gheiney seose, as vrish ad stiagh er ny Geshuriteyn, as ny Gezriteyn, as ny Amalekiteyn: son va ny ashoonyn cheddin son foddey dy hraa shenn chummaltee’n cheer, myr t’ou goll gys Shur, eer gys Egypt.