Joshua 12:1 - Yn Vible Casherick 1775 1819

¹ Nish ad shoh reeaghyn ny cheerey, orroo hooar cloan Israel y varriaght, as nyn dhalloo ren ad y ghoaill er cheu elley dy Yordan, lesh irree ny greïney; veih awin Arnon gys cronk Hermon, as ooilley’n strah cheu-har.

Joshua 12:1 Iomraidhean Croise

Briwnyn 11:18

Eisht hie ad trooid yn aasagh, as ghow ad combaase mygeayrt cheer Edom as cheer Voab, as haink ad stiagh er cheu-har jeh cheer Voab, as champ ad er cheu elley dy Arnon, agh cha daink ad stiagh er ardjyn Voab: son Arnon va cagliagh Voab.

Joshua 1:15

Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Earrooyn 21:24

As woaill Israel eh lesh foyr y chliwe, as ghow ad yn cheer echey veih Arnon gys Jabbok, eer choud as cloan Ammon: son va cagliagh lajer ec cloan Ammon.

Earrooyn 21:13

Veih shen scugh ad, as ren ad campal er y cheu elley jeh Arnon, ta ’syn aasagh, myr t’ou cheet veih ardjyn ny Amoriteyn: son ta Arnon y chagliagh eddyr Moab as ny Amoriteyn.

Isaiah 16:2

Son hig eh gy-kione, myr ushag er-shaghryn agglit ass yn edd, shen myr vees inneenyn Voab ec aaghyn Arnon.

Psalmyn 133:3

Casley rish druight Hermon: huitt sheese er cronk Sion.

Joshua 22:4

As nish ta’n Chiarn nyn Yee er choyrt fea da nyn mraaraghyn, myr yiall eh daue: shen-y-fa nish, chyndaa-jee as immee-jee gys nyn gummallyn hene, as gys cheer nyn eiraght, hug Moses sharvaant y Chiarn diu er y cheu elley dy Yordan.

Joshua 11:17

Eer veih cronk Halak, ta er raad Seir, choud as Baal-gad, ayns coan Lebanon, fo cronk Hermon: as ghow eh ooilley ny reeaghyn oc, as woaill eh, as varr eh ad.

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Deuteronomy 4:48

Veih Aroer, ta rish broogh awin Arnon, eer choud’s cronk Sirion, ta shen Hermon.

Deuteronomy 2:24

Trog-jee erriu, gow-jee nyn yurnah, as immee-jee harrish yn awin Arnon: cur-my-ner, ta mee er livrey gys dty laue Sihon yn Amorite ree Heshbon, as e heer: immee er dty hoshiaght, as jean caggey rish.

Earrooyn 32:19

Son cha shir mayd eiraght mâroosyn er y cheu elley dy Yordan, ny harrish; er-yn-oyr dy vel yn eiraght ain er duittym hooin er y cheu shoh dy Yordan, lesh y niar.

Earrooyn 32:33

As hug Moses daue, ta shen dy ghra, da cloan Ghad, as da cloan Reuben, as da lieh-tribe Vanasseh mac Yoseph, reeriaght Sihon ree ny Amoriteyn, as reeriaght Og ree Vashan, yn cheer lesh e ard-valjyn, ayns ny ardjyn, eer ard-valjyn y cheer ooilley mygeayrt.

Joshua 13:8

Mâroo ta ny Reubeniteyn as ny Gaditeyn er gheddyn nyn eiraght, hug Moses daue, cheu elley dy Yordan, lesh y shiar, rere myr hug Moses sharvaant y Chiarn daue;

Psalmyn 89:12

Ta ny niaughyn lhiat’s, lhiat’s myrgeddin yn thalloo: t’ou er hoiaghey undin y seihll runt, as ooilley ny t’ayn.

Psalmyn 136:21

As hug ersooyl yn cheer oc son eiraght: son ta e vyghin farraghtyn son dy bragh;

Earrooyn 21:21

As hug Israel chaghteryn gys Sihon ree ny Amoriteyn, gra,

Earrooyn 32:32

Hem mayd harrish eïllit roish y Chiarn gys cheer Chanaan, dy vod cummal yn eiraght ain ve er y cheu shoh dy Yordan.

Deuteronomy 2:32

Er shoh haink Sihon magh nyn ’oï, lesh ooilley e gheiney, dy chaggey ec Jahaz.

Deuteronomy 3:1

Eisht hyndaa shin, as hie shin seose raad Vashan: as haink Og ree Vashan, as ooilley e gheiney magh nyn ’oï, dy chaggey ec Edrei.

Deuteronomy 4:44

As shoh’n leigh, hug Moses roish cloan Israel:

Deuteronomy 4:46

Er y cheu shoh dy Yordan, ’sy choan liorish Beth-peor, ayns cheer Sihon ree ny Amoriteyn, va cummal ec Heshbon, ren Moses as cloan Israel y stroie, lurg daue v’er jeet magh ass Egypt:

1 Reeaghyn 4:19

Va Geber mac Uri ayns cheer Ghilead, ayns cheer Sihon ree ny Amoriteyn, as Og ree Vashan; as eh va’n ynrycan fir-oik va ’sy cheer.