Joshua 11:21 - Yn Vible Casherick 1775 1819

²¹ As ec y traa shen haink Joshua, as dastyr eh cloan Anak ass ny sleityn, ass Hebron, ass Debir, ass Anab, as veih ooilley sleityn Yudah, as ooilley sleityn Israel: ren Joshua stroie dy bollagh ad hene as nyn ard-valjyn.

Joshua 11:21 Iomraidhean Croise

Deuteronomy 9:2

Deiney mooar as thollee, cloan ny Anakimee, t’ou er vakin, as my-nyn-gione t’ou er chlashtyn imraa, Quoi oddys shassoo roish cloan Anak?

Deuteronomy 1:28

Cre’n-fa hem mayd seose? ta nyn mraaraghyn er choyrt shin ass cree, gra, Ta’n sleih ny s’troshey, as ny s’thollee na shinyn; ta ny ard-valjyn oc mooar as voallit seose gys niau, as ta shin, marish shoh, er vakin ayn mec Anak.

Ashlish 6:2

As yeeagh mee, as cur-my-ner, cabbyl bane; as va bow echeysyn va ny hoie er, as va attey er ny choyrt da, as hie eh magh lesh barriaght, as dy gheddyn barriaght.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Jeremiah 3:23

Dy firrinagh ayns fardail ta shin jeeaghyn son saualtys veih ny croink, as son kemmyrk veih niart ny sleityn; dy firrinagh ayns y Chiarn nyn Yee ta saualtys Israel.

Briwnyn 1:20

As hug ad Hebron da Caleb, myr va Moses er yialdyn: as deiyr eh veih shen three mec Anak.

Joshua 10:42

As ooilley ny reeaghyn shoh as nyn gheer ren Joshua ’ghoaill mysh yn un traa; son dy ren y Chiarn Jee Israel caggey ayns lieh Israel.

Deuteronomy 2:21

Pobble mooar as ymmodee, thollee myr ny Anakimee, agh ren y Chiarn ad y stroie rhymboo, as haink ad nyn yeï, as chum ad ’syn ynnyd oc:

Earrooyn 13:33

As ayns shen honnick shin foawir, mee Anak, sluight ny foawir: as va shin ayns y chilley ain hene myr beishteigyn, as myr shen va shinyn myrgeddin ’sy chilley ocsyn.