Joshua 10:39 - Yn Vible Casherick 1775 1819

³⁹ As ghow eh eh, as y ree, as ooilley ny ard-valjyn echey; as woaill eh ad lesh foyr y chliwe, as stroie eh dy bollagh ooilley ny cummaltee v’ayndoo; cha daag eh veg er-mayrn: myr v’eh er n’yannoo rish Hebron, lheid cheddin ren eh rish Debir, as e ree; myr v’eh er n’yannoo rish Libnah, as e ree.

Joshua 10:39 Iomraidhean Croise

Obadiah 1:18

As bee thie Yacob ny aile, as thie Yoseph ny lossey, as thie Esau son stubble, as ver ad aile ayndoo, as stroie ad; as cha bee veg faagit jeh thie Esau; son ta’n Chiarn er loayrt eh.

2 Reeaghyn 10:11

Shoh myr ren Jehu stroie ooilley ny v’er-mayrn jeh thie Ahab ayns Jezreel, as ooilley e ard-gheiney, as e chaarjyn, as e haggyrtyn, derrey nagh daag eh fer jeu er-mayrn.

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Joshua 10:40

Myr shoh ren Joshua bwoalley ooilley cheer ny sleityn, as y jiass, as y choan, as cheer ny farraneyn, as ooilley ny reeaghyn oc: cha daag eh veg er-mayrn; agh stroie eh dy bollagh dy chooilley chretoor bio, myr va’n Chiarn Jee Israel er harey.

Joshua 10:37

As ghow ad eh, as woaill ad eh lesh foyr y chliwe, as yn ree echey, as ooilley ny ard-valjyn, as ooilley ny cummaltee v’ayndoo; cha daag eh veg er-mayrn, cordail rish ooilley, ny v’eh er n’yannoo rish Eglon; agh stroie eh dy bollagh eh, as ooilley ny cummaltee v’ayn.

Joshua 10:33

Eisht haink Horam ree Ghezer dy chooney lesh Lachish; as woaill Joshua eshyn as e gheiney, derrey nagh daag eh veg er-mayrn.

Deuteronomy 3:3

Myr shoh ren y Chiarn nyn Yee rish Og ree Vashan myrgeddin, as ooilley e phobble y livrey gys nyn laue: as woaill shin eh, derrey nagh daag shin veg er-mayrn.

Joshua 10:38

As hyndaa Joshua, as ooilley Israel mârish, gys Debir, as ren eh caggey n’oï.

Joshua 12:13

Ree Debir, unnane; ree Gheder, unnane;

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 15:8

As ghow eh Agag ree ny Amalekiteyn bio as stroie eh dy bollagh ooilley yn pobble lesh foyr y chliwe.