Joshua 10:36 - Yn Vible Casherick 1775 1819

³⁶ As hie Joshua seose veih Eglon, as ooilley Israel mârish, gys Hebron; as ren ad caggey n’oï:

Joshua 10:36 Iomraidhean Croise

Briwnyn 1:10

As hie Judah noi ny Canaaniteyn va cummal ayns Hebron, (nish yn ennym v’er Hebron roïe va Kirjath-arba,) as varr ad Sheshai, as Ahiman, as Talmai.

Joshua 15:13

As da Caleb mac Jephunneh hug eh ayrn mastey cloan Yudah, cordail rish sarey’n Chiarn da Joshua, eer ard-valley Arba ayr Anak, ta shen Hebron.

Earrooyn 13:22

As hie ad seose my-yiass, as haink ad gys Hebron; raad va Ahiman, Sheshai, as Talmai mec Anak (nish va Hebron troggit shiaght bleeaney roish Zoan ayns Egypt.)

1 Recortyssyn 12:28

As Zadok, dooinney aeg, niartal as dunnal, as jeh thie e ayrey daa chaptan as feed.

1 Recortyssyn 12:23

As shoh coontey ny sheshaghtyn va slane armit son y chaggey, as haink gys David gys Hebron, dy chaghlaa reeriaght Saul huggeysyn, cordail rish goo’n Chiarn.

Joshua 21:13

Myr shoh hug ad da cloan Aaron y saggyrt, Hebron lesh e gleebyn, dy ve son ard-valley dy hauchys da’n marrooder, as Libnah lesh e gleebyn,

Joshua 15:54

As Humtah, as Kirjath-arba, (ta shen Hebron,) as Zior; nuy baljyn-mooarey, marish nyn maljyn-beggey:

Joshua 10:5

Eisht va ny queig reeaghyn Amorite, ree Yerusalem, ree Hebron, ree Yarmuth, ree Lachish, ree Eglon, er nyn jaglym cooidjagh, as hie ad seose, adsyn as ooilley nyn sheshaghtyn-caggee, as champ ad kiongoyrt rish Gibeon, as ren ad caggey n’oï.

Joshua 10:3

Dy dug Adoni-zedeck ree Yerusalem, er-y-fa shen, chaghteraght gys Hoham ree Hebron, as gys Piram ree Yarmuth, as gys Japhia ree Lachish, as gys Debir ree Eglon, gra,

Genesis 13:18

Eisht ren Abram e chabbane y scughey, as haink eh, as ren eh cummal ayns cheer rea Mamre, ta ayns Hebron, As ayns shen hrog eh altar gys y Chiarn.

Joshua 10:35

As ghow ad eh yn laa shen, as woaill ad eh lesh foyr y chliwe; as ooilley ny cummaltee v’ayn stroie eh dy bollagh yn laa cheddin, cordail rish ooilley ny v’eh er n’yannoo rish Lachish.

Joshua 10:37

As ghow ad eh, as woaill ad eh lesh foyr y chliwe, as yn ree echey, as ooilley ny ard-valjyn, as ooilley ny cummaltee v’ayndoo; cha daag eh veg er-mayrn, cordail rish ooilley, ny v’eh er n’yannoo rish Eglon; agh stroie eh dy bollagh eh, as ooilley ny cummaltee v’ayn.

Briwnyn 1:20

As hug ad Hebron da Caleb, myr va Moses er yialdyn: as deiyr eh veih shen three mec Anak.

2 Recortyssyn 11:10

As Zorah, as Aijalon, as Hebron; ta ayns Judah, as ayns Benjamin, ard-valjyn voallit.