Joshua 10:21 - Yn Vible Casherick 1775 1819

²¹ As hyndaa ooilley’n pobble gys y champ gys Joshua ec Makkedah dy sauchey: cha by-loys da fer erbee fosley e veeal noi cloan Israel.

Joshua 10:21 Iomraidhean Croise

Exodus 11:7

Agh noi veg jeh cloan Israel, cha jean moddey hene gleashagh e hengey, noi dooinney ny baagh: dy vod fys ’ve eu cre’n lhietrymys ta’n Chiarn dy yannoo, eddyr ny Egyptianee as Israel.

Isaiah 57:4

Quoi er ta shiu jannoo gannidys? quoi er ta shiu dy lhean fosley nyn meeal, as sheeyney magh yn chengey? nagh vel shiuish cloan dy vee-chairys, sluight dy volteyrys;

Isaiah 54:17

Greïe-caggee erbee ta troggit dt’oï, cha jig eh lesh; as dy chooilley hengey hroggys dt’oï ayns briwnys nee oo y gheyrey. Shoh eiraght shirveishee yn Chiarn; as ta’n ynrickys oc voym’s, ta’n Chiarn dy ghra.

Joshua 10:20

As haink eh gy-kione, erreish da Joshua as cloan Israel v’er stroie ad lesh cragh trome, derrey v’ad er nyn goyrt mow, dy chossyn ny va er-mayrn jeu stiagh ayns ard-valjyn fencit.

Joshua 10:22

Eisht dooyrt Joshua, Foshil-jee beeal yn ooig, as cur-jee lhieu magh hym’s ny queig reeaghyn shen ass yn ooig.