Joshua 10:20 - Yn Vible Casherick 1775 1819

²⁰ As haink eh gy-kione, erreish da Joshua as cloan Israel v’er stroie ad lesh cragh trome, derrey v’ad er nyn goyrt mow, dy chossyn ny va er-mayrn jeu stiagh ayns ard-valjyn fencit.

Joshua 10:20 Iomraidhean Croise

Joshua 8:24

As haink eh gy-kione tra va Israel erreish stroie ooilley cummaltee Ai, ’sy vagher, ’syn aasagh raad v’ad er n’eiyrt ad, as tra v’ad ooilley er duittym lesh foyr y chliwe, derrey v’ad ooilley er nyn stroie, dy ren ooilley ny Israeliteyn chyndaa gys Ai, as woaill ad eh lesh foyr y chliwe.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

2 Recortyssyn 13:17

As ren Abijah as e phobble ad y stroie lesh cragh vooar: myr shen dy huitt sheese marroo jeh Israel jeih thousaneyn as da-eed, reih deiney.

2 Samuel 20:6

As dooyrt David rish Abishai, Nish nee Sheba mac Bichri ny smoo dy aggair dooin na ren Absalom: gow uss sharvaantyn dty hiarn, as immee er e eiyrt’s, er-aggle dy vow eh stiagh ayns ard-valjyn voallit, as dy gossyn eh voïn.

Joshua 10:10

As hug y Chiarn barriaght da Israel harrystoo, as ren eh ad y stroie lesh toyrt-mow trome ec Gibeon, as ad y imman er y raad ta goll seose gys Beth-horon, as woaill eh ad derrey Azekah, as gys Makkedah.

Deuteronomy 20:16

Agh jeh ard-valjyn y pobble shoh, ta’n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

Joshua 10:19

As ny fuirree-jee shiuish agh gow-jee er-eiyrt’s nyn noidyn, as stroie-jee ad ayns chea; ny lhig-jee daue cosney stiagh ayns ny ard-valjyn oc: son ta’n Chiarn y jee euish er livrey ad gys nyn laue.

Joshua 10:21

As hyndaa ooilley’n pobble gys y champ gys Joshua ec Makkedah dy sauchey: cha by-loys da fer erbee fosley e veeal noi cloan Israel.

Jeremiah 4:5

Jean-jee shoh y hoilshaghey ayns Judah, as fockley-magh eh ayns Jerusalem; as abbyr-jee, Sheid-jee yn trumpet ayns y cheer: Yllee-jee, tar-jee cooidjagh, as abbyr-jee, Chaggle-jee, shiu hene dy cheilley, as lhig dooin cosney stiagh gys ny ard-valjyn voallit.

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Joshua 11:12

As ooilley ard-valjyn ny reeaghyn shen, as ooilley ny reeaghyn oc, ren Joshua ’ghoaill, as woaill eh ad lesh foyr y chliwe; as stroie eh ad dy bollagh, myr va Moses sharvaant y Chiarn er harey.

1 Reeaghyn 20:21

As hie ree Israel magh, as woaill eh ny cabbil as ny fainee, as stroie eh ny Syrianee lesh cragh trome.