Joshua 10:2 - Yn Vible Casherick 1775 1819

² Dy row aggle mooar orroo, son dy row Gibeon ny ard-valley mooar, myr unnane jeh ny ard-valjyn reeoil, as son dy row eh ny s’troshey na Ai, as dy row ooilley e gheiney-caggee niartal.

Joshua 10:2 Iomraidhean Croise

Deuteronomy 11:25

Cha jarg dooinney erbee shassoo reue, son ver y Chiarn nyn Yee yn aggle atchimagh reueish, er dy chooilley heer ver shiu nyn gass er, myr t’eh er ghra riu.

Joshua 2:24

As dooyrt ad rish Joshua, Dy feer ta’n Chiarn er livrey ooilley yn cheer gys ny laueyn ain; son ta eer ooilley cummaltee ny cheerey coayl nyn gree ayns aggle roïn.

Hebrewnee 10:31

Te red agglagh dy huittym ayns laueyn y Jee bio.

Hebrewnee 10:27

Agh farkiaght agglagh son briwnys, as jymmoose aileagh, nee adsyn y stroie ta shassoo magh.

Raaghyn Creeney 10:24

Berree aggle y vee-chrauee er: agh bee yeearree yn er-cairagh jeant magh.

2 Samuel 12:26

As va Joab caggey noi Rabbah va jeh cloan Ammon, as ghow eh yn ard-valley reeoil.

1 Samuel 27:5

As dooyrt David rish Achish, My ta mee nish er gheddyn foayr ayns dty hooillyn, lhig daue ynnyd-vaghee y chur dou ayns paart jeh ny baljyn-cheerey, dy voddym cummal ayns shen: son cre’n-fa yinnagh dty harvaant cummal liort’s ayns yn ard-valley reeoil?

Deuteronomy 28:10

As nee ooilley ashoonyn y theihll fakin, dy vel oo er dty enmys er y Chiarn, as bee aggle orroo royd.

Joshua 9:3

As tra cheayll cummaltee Ghibeon jeh ny va Joshua er n’yannoo rish Jericho as rish Ai,

Deuteronomy 2:25

Yn laa jiu neem’s toshiaght dy choyrt yn atchim, as yn aggle jeed’s, er dy chooilley ashoon fo niau nee clashtyn goo jeed, as bee ad er-creau, as ayns angaish kyndagh rhyt.

Joshua 9:24

As dreggyr ad Joshua, as dooyrt ad, Son dy row eh er ny insh da dty harvaantyn son firrinys, dy row yn Chiarn dty Yee er harey e harvaant Moses dy choyrt diuish ooilley’n cheer shoh, as dy stroie dy bollagh ooilley cummaltee ny cheerey, shoh’n oyr va shin ayns aggle baaish reue, as shoh ta shin er n’yannoo.