Joshua 10:12 - Yn Vible Casherick 1775 1819

¹² Eisht loayr Joshua rish y Chiarn ’sy laa va’n Chiarn er livrey seose ny Amoriteyn gys laue cloan Israel, as dooyrt eh ayns shilley Israel, Ghrian, shass raad t’ou er Gibeon; as uss, Eayst, harrish coan Ajalon.

Joshua 10:12 Iomraidhean Croise

Habakkuk 3:11

Hass y ghrian, as yn eayst ayns nyn ynnyd: ec soilshey dty hideyn ren ad getlagh, as ec sollyssid dty shleiy soilsheanagh.

Isaiah 38:8

Cur-my-ner, ver-ym lhiam back scadoo ny hooryn, eer ny jeih ooryn, ta er n’gholl sheese er dial Ahaz. Myr shen hyndaa yn ghrian ny jeih ooryn back, lioroo v’eh er n’gholl sheese.

Isaiah 60:20

Cha jean dty ghrian ny smoo goll sheese; ny dty eayst baarney: son bee’n Chiarn dty hoilshey dy bragh farraghtyn, as bee laghyn dty ghobberan ec kione.

Isaiah 28:21

Son nee yn Chiarn troggal er myr ayns cronk Pherazim, bee eh jymmoosagh myr ayns coan Ghibeon, dy yannoo e obbyr, e obbyr yindyssagh; as dy chooilleeney e yannoo, e yannoo yindyssagh.

Psalmyn 19:4

Ta’n sheean oc er gholl magh gys dy chooilley heer: as ny goan oc gys ny ardjyn sodjey magh jeh’n theihll.

Joshua 10:13

As hass y ghrian myr ve, as va’n eayst er ny lhiettal, derrey va’n pobble er ghoaill cooilleeney er nyn noidyn. Nagh vel shoh scruit ayns lioar Yasher? Myr shen hass y ghrian ayns mean yn aer, as cha row siyr er dy gholl sheese mysh slane laa.

Psalmyn 148:3

Moylley-jee eh, ghrian as eayst: moylley-jee eh, ooilley shiuish rollageyn as soilshey.

Lioar Yob 9:7

Ta cur y ghrian fo harey, as cha vel eh girree; as ta sealal seose ny rollageyn;

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.

Zechariah 2:13

Lhig da ooilley sheelnaue ve nyn dhost kiongoyrt rish y Chiarn: son t’eh er hroggal seose eh-hene ayns e ynnyd casherick.

Habakkuk 2:20

Agh ta’n Chiarn ayns e hiamble casherick: lhig da ooilley yn seihll ve ny host kiongoyrt rish.

Psalmyn 74:16

Hug oo lhiat farraneyn, as ushtaghyn magh ass ny creggyn creoi: hyrmee oo seose ushtaghyn niartal.

Joshua 19:42

As Shaalabbin, as Ajalon, as Jethlah,

Deuteronomy 17:3

As t’er n’gholl as er hirveish jeeghyn joarree, as er choyrt ooashley daue, edyr da’n ghrian, ny da’n eayst, ny da veg jeh pooaraghyn sollys yn aer, shoh ta mish er lhiettal;

Amos 8:9

As hig eh gy-kione ’sy laa shen, ta’n Chiarn Jee dy ghra, dy der-ym er y ghrian dy lhie ec y vun-laa, as nee’m y thalloo dorraghey ’sy laa hollys.

Briwnyn 12:12

As hooar Elon yn Zebulonite baase, as v’eh oanluckit ayns Aijalon ayns cheer Zebulun.

Briwnyn 5:20

Ren ny niaughyn caggey; ren ny rollageyn ayns nyn goorse caggey noi Sisera.

1 Samuel 14:31

As woaill ad ny Philistinee yn laa shen veih Michmash derrey Aijalon: as va’n pobble slane tooillit.

2 Samuel 2:12

As hie Abner mac Ner, as sharvaantyn Ish-bosheth mac Saul, magh veih Mahanaim gys Gibeon.

2 Reeaghyn 20:11

As deïe Isaiah yn phadeyr gys y Chiarn; as hug eh lesh yn scadoo back jeih ayrnyn, orroo ve er gholl sheese er dial Ahaz.

Jeremiah 28:1

As haink eh gy-kione ’sy vleïn cheddin, ayns toshiaght reill Zedekiah ree Yudah, ’sy chiarroo vleïn, as ayns y wheiggoo vee, dy ren Hananiah mac Azur yn phadeyr, va jeh Gibeon, loayrt rhym ayns thie yn Chiarn, fenish ny saggyrtyn as ooilley’n pobble, gra,

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Joshua 21:24

As Aijalon, as Gath-rimmon lesh e gleebyn; kiare ard-valjyn.

1 Samuel 12:18

Myr shen deïe Samuel gys y Chiarn; as hug y Chiarn taarnagh as fliaghey yn laa shen: as va ooilley’n pobble ayns lane aggle roish y Chiarn as Samuel.

2 Reeaghyn 20:9

As dooyrt Isaiah, Yiow yn cowrey shoh veih yn Chiarn, dy jean y Chiarn yn red shoh t’eh er loayrt: Jed yn scadoo er e hoshiaght jeih ayrnyn, ny goll back jeih ayrnyn?

2 Reeaghyn 20:10

As dreggyr Hezekiah, Cha vel eh agh red aashagh da’n scadoo dy gholl sheese jeih ayrnyn, agh lhig da’n scadoo goll back jeih ayrnyn.

1 Recortyssyn 8:13

Beriah myrgeddin, as Shema, va king ny ayraghyn chummaltee Aijalon, deiyr magh cummaltee Ghath:

2 Recortyssyn 11:10

As Zorah, as Aijalon, as Hebron; ta ayns Judah, as ayns Benjamin, ard-valjyn voallit.