Joshua 10:10 - Yn Vible Casherick 1775 1819

¹⁰ As hug y Chiarn barriaght da Israel harrystoo, as ren eh ad y stroie lesh toyrt-mow trome ec Gibeon, as ad y imman er y raad ta goll seose gys Beth-horon, as woaill eh ad derrey Azekah, as gys Makkedah.

Joshua 10:10 Iomraidhean Croise

Psalmyn 18:14

Lhig eh magh e hideyn, as skeayl eh ad: hug eh magh e hendreilyn, as ren eh stroie ad.

Joshua 16:5

As shoh myr va cagliagh cloan Ephraim, cordail rish ny kynneeyn oc; cagliagh nyn eiraght er y cheu har va Ataroth-addar, gys Beth-horon heose:

Joshua 16:3

As goll sheese sheear gys coast Japhleti, gys coast yn Veth-horon heese, as gys Gezer; as jannoo jerrey ec yn aarkey.

Isaiah 28:21

Son nee yn Chiarn troggal er myr ayns cronk Pherazim, bee eh jymmoosagh myr ayns coan Ghibeon, dy yannoo e obbyr, e obbyr yindyssagh; as dy chooilleeney e yannoo, e yannoo yindyssagh.

Briwnyn 4:15

As hug y Chiarn fo-chosh Sisera, as ooilley ny fainee, as ooilley e heshaght-chaggee, lesh foyr y chliwe, kiongoyrt rish Barak; myr shen dy ren Sisera tarlheim jeh’n fainagh, as chossyn eh ersooyl ry-chosh.

Joshua 15:35

Jarmuth, as Adullam, Socoh, as Azekah,

Joshua 10:11

As haink eh gy-kione, myr v’ad chea roish Israel, as goll sheese lesh Beth-horon, dy ren y Chiarn claghyn mooarey y hilgey neose orroo veih niau derrey Azekah, as varr eh ad: va ny smoo stroit lesh ny claghyn-sniaghtee ny va lesh cliwe cloan Israel.

Jeremiah 34:7

Tra ren sheshaghtyn-caggee ree Vabylon caggey noi Jerusalem, as noi ooilley ard-valjyn Yudah va er-mayrn, noi Lachish, as noi Azekah: (son va ny ard-valjyn voallit shoh er-mayrn jeh ard-valjyn Yudah.)

Psalmyn 78:55

As hug eh lesh ad cheu-sthie jeh cagliaghyn e ynnyd casherick: dy jarroo gys y chronk t’eshyn er chosney lesh e laue yesh.

Psalmyn 44:3

Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.

2 Recortyssyn 14:12

Myr shen woaill yn Chiarn ny Ethiopianee roish Asa, as Judah, as hug ny Ethiopianee cooyl roo.

1 Samuel 13:18

As ghow sheshaght elley yn raad gys Beth-horon: as sheshaght elley raad ny ardjyn lesh coan Zeboim gys yn aasagh.

Joshua 21:22

As Kibzaim as e gleebyn, as Beth-horon lesh e gleebyn; kiare ard-valjyn.

Joshua 15:41

As Gederoth, as Beth-dagon, as Naamah, as Makkedah; shey baljyn jeig mooarey, marish nyn maljyn-beggey:

Joshua 12:16

Ree Vakkedah, unnane; ree Veth-el, unnane;

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Joshua 10:28

Ec y traa cheddin ghow Joshua Makkedah, as woaill eh eh lesh foyr y chliwe, as stroie eh dy bollagh yn ree echey, as ooilley ny cummaltee v’ayn; cha daag eh veg er-mayrn: as ren eh rish ree Makkedah myr ren eh rish ree Yericho.

Deuteronomy 7:23

As nee’n Chiarn dty Yee ad y livrey hood, as ad y stroie lesh toyrt-mow niartal, derrey vees ad dy bollagh er nyn astyrt.

Joshua 10:9

Haink Joshua er-y-fa shen orroo doaltattym, as hie eh seose veih Gilgal fud-ny-hoie.

1 Samuel 17:1

Nish haggil ny Philistinee cooidjagh nyn armeeyn gys caggey, as v’ad er nyn jaglym cooidjagh ec Shochoh, ta bentyn da Judah, as ren ad campal eddyr Shochoh as Azekah, ayns Ephes-dammim.

2 Samuel 22:15

As lhig eh magh e hideyn, as skeayl eh ad; as tendreil, dy choyrt ad bun-ry-skyn.

1 Reeaghyn 9:17

As hrog Solomon Gezer, as Beth-horon heese,

Psalmyn 68:14

Tra ren yn Ooilley-niartal reeaghyn y skeayley er y choontey ocsyn: eisht v’ad cha gial as sniaghtey ayns Salmon.

Briwnyn 4:16

Agh deiyr Barak er ny fainee, as er y cheshaght-chaggee, derrey Harosheth jeh ny ashoonyn: as huitt ooilley sheshaght-caggee Sisera roish foyr y chliwe; as cha row dooinney jeu faagit.

Briwnyn 5:20

Ren ny niaughyn caggey; ren ny rollageyn ayns nyn goorse caggey noi Sisera.

2 Recortyssyn 25:13

Agh sidooryn y cheshaght-chaggee va Amaziah er hyndaa thie, nagh ragh ad mârish gys y chaggey, huitt ad er ard-valjyn Yudah, veih Samaria eer gys Beth-horon, as woaill ad three thousaneyn jeu, as ghow ad mooarane spooilley.

Isaiah 30:30

As ver y Chiarn er e choraa gloyroil dy ve er ny chlashtyn, as nee eh soilshaghey trimmid atchimagh e roih, lesh eulys e yymmoose, as lesh lossey dy aile stroialtagh, lesh geay-chassee, as dorrin, as claghyn-sniaghtee.

Zechariah 14:3

Eisht hed yn Chiarn magh, as nee eh caggey noi ny ashoonee shen, myr ren eh caggey ayns laa yn chah.