Joshua 1:16 - Yn Vible Casherick 1775 1819

¹⁶ As dreggyr ad Joshua, gra, Ooilley ny t’ou dy harey dooin nee mayd jannoo, as raad erbee ver oo shin nee mayd goll.

Joshua 1:16 Iomraidhean Croise

Ezra 10:4

Trog ort, son ta’n chooish shoh bentyn dhyt: bee mayd myrgeddin mayrt; bee dunnal, as jean eh.

Earrooyn 32:25

As loayr cloan Ghad, as cloan Reuben rish Moses, gra, Nee dty harvaantyn myr ta my hiarn er harey.

Earrooyn 32:31

As dreggyr cloan Ghad, as cloan Reuben, gra, Myr ta’n Chiarn er ghra rish dty harvaantyn, shen myr nee mayd.

Deuteronomy 34:9

As va Joshua mac Nun lane jeh’n spyrryd dy chreenaght: son va Moses er lhie e laueyn er: as va cloan Israel ayns biallys da, as ren ad myr va’n Chiarn er harey da Moses.

Deuteronomy 5:27

Immee uss er-gerrey, as eaisht rish ooilley ny jir y Chiarn y Jee ain; as insh uss dooinyn ooilley ny nee’n Chiarn y Jee ain gra rhyt, as nee mayd clashtyn, as cooilleeney eh.

Titus 3:1

Cur ad ayns cooinaghtyn dy ve biallagh gys ard-reiltee as pooaraghyn, dy ve ammyssagh da fir-oik, dy ve arryltagh gys dy chooilley obbyr vie,

Joshua 1:15

Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Joshua 1:17

Myr hug shin biallys da Moses ayns dy chooilley nhee, myr shen nee mayd geaishtagh rhyt’s: as dy row yn Chiarn dty Yee mayrt, myr v’eh marish Moses.