Joel 2:5 - Yn Vible Casherick 1775 1819

⁵ Myr feiyr fainee er mullagh sleityn nee ad lheim; myr sheean lossey dy aile ta stroie yn stubble, myr pobble niartal soit ayns order-caggee.

Joel 2:5 Iomraidhean Croise

Ashlish 9:9

As va oc eilley-vroggil myr yiarn; as va sheean nyn skianyn myr feiyr fainee ymmodee cabbil roie gys y chaggey.

Isaiah 5:24

Shen-y-fa myr ta’n aile stroie yn stubble, as y lossey stroie yn coau, myr shen bee yn fraue oc myr loauid, as hed y blaa oc seose myr y joan; son dy vel ad er n’yiooldey rish leigh Chiarn ny flaunyssee, as dy vel ad er hoiaghey beg jeh goo Yee casherick Israel.

Isaiah 30:30

As ver y Chiarn er e choraa gloyroil dy ve er ny chlashtyn, as nee eh soilshaghey trimmid atchimagh e roih, lesh eulys e yymmoose, as lesh lossey dy aile stroialtagh, lesh geay-chassee, as dorrin, as claghyn-sniaghtee.

Noo Mian 3:12

Ta’n cleayst echey ayns e laue, as nee eh dy bollagh e laare-vooie y ghlenney, as gowee eh e churnaght stiagh ayns e hie-tashtee: agh loshtee eh yn choau lesh aile nagh bee er ny vooghey.

Lioar Yob 39:20

Vod oo aggle y chur ayn, myr ayns y lheimeyder-faiyr? ta gloyr e stroanyn atchimagh.

Jeremiah 50:42

Nee ad loaghtey yn vhow, as y shleiy: t’ad dewil, as cha jeeaghee ad myghin: nee yn coraa oc freaney myr y cheayn, as nee ad markiagh er cabbil, dagh fer jeu eillit myr dooinney son y chaggey dt’oï’s, O inneen Vabylon.

Exodus 5:12

Shen-y-fa va’n pobble er nyn skeayley noon as noal trooid ooilley cheer Egypt, dy hymsaghey stubble ayns ynnyd coonlagh.